|    May 24 Wed, 2017 1:40 pm
FLASH NEWS

ജെഎന്‍യു; രാജ്യദ്രോഹക്കുറ്റം ചുമത്തിയ അശ്‌തോഷ് കുമാര്‍ പോലിസില്‍ കീഴടങ്ങി

Published : 27th February 2016 | Posted By: swapna en

Ashutosh_Kumar

ന്യൂഡല്‍ഹി: ജെഎന്‍യുവില്‍ രാജ്യദ്രോഹക്കുറ്റം ചുമത്തിയ അഞ്ചുപേരില്‍ ഒരാളായ അശ്‌തോഷ് കുമാര്‍ പോലിസില്‍ കീഴടങ്ങി. ആര്‍ കെ പുരം പോലിസ് സ്‌റ്റേഷനിലാണ് അശ്‌തോഷ് കുമാര്‍ കീഴടങ്ങിയത്.  അന്വേഷണത്തിന് സഹകരിക്കണമെന്നാവശ്യപ്പെട്ട് വെള്ളിയാഴ്ച രാത്രി അശ്‌തോഷിന് നോട്ടിസ് ലഭിച്ചിരുന്നു. തുടര്‍ന്നാണ് അശ്‌തോഷ് ഇന്നു കീഴടങ്ങിയത്. നേരത്തെ കീഴടങ്ങിയ ഉമര്‍ ഖാലിദ്, അനിര്‍ബന്‍ ഭട്ടാഛാര്യ എന്നിവരെ ചോദ്യം ചെയ്തതും ആര്‍ കെ പുരം പോലിസ് സ്‌റ്റേഷനിലാണ്. അഞ്ചുപേരില്‍ ശേഷിക്കുന്ന രാമാ നാഗാ, ആനന്ത് കുമാര്‍ എന്നിവര്‍ കീഴടങ്ങി അന്വേഷണത്തില്‍ സഹകരിക്കാന്‍ തയ്യാറാണെന്ന് അറിയിച്ചിട്ടുണ്ട്. ഇവര്‍ക്കും ഉടന്‍ പോലിസ് നോട്ടിസ് നല്‍കും.
കഴിഞ്ഞ ഞായറാഴ്ചയാണ് ഒളിവിലായിരുന്ന ജെഎന്‍യുവിലെ അഞ്ചു വിദ്യാര്‍ത്ഥികള്‍ ക്യാംപസില്‍ തിരിച്ചെത്തിയത്.
അതിനിടെ തിഹാര്‍ ജയിലിലുള്ള കനയ്യാ കുമാറിനെ പോലിസ് ഇന്നലെ ഒമ്പത് മണിക്കൂര്‍ ചോദ്യം ചെയ്തു. പോലിസ് കനയ്യയെ കസ്റ്റഡിയില്‍ വാങ്ങിയിരുന്നു. പട്യാല ഹൗസ് കോടതിയില്‍ തന്നെ ആക്രമിച്ച അഭിഭാഷകരെ പോലിസിന് എളുപ്പം പിടിക്കാമായിരുന്നുവെന്നും എന്നാല്‍ അവര്‍ ഒന്നു ചെയ്യാതെ നോക്കിനില്‍ക്കുകയായിരുന്നുവെന്നും കനയ്യ  ഇന്നലെ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day