|    May 28 Sun, 2017 4:04 pm
FLASH NEWS

ജൂലൈ 29ന് ബാങ്ക് പണിമുടക്ക്

Published : 12th June 2016 | Posted By: SMR

തിരുവനന്തപുരം: എസ്ബിടിയെ എസ്ബിഐയില്‍ ലയിപ്പിക്കാനുള്ള നീക്കത്തിനെതിരേ പ്രതിഷേധം ശക്തമാവുന്നു. എസ്ബിടിയെയും ഇതര അസോസിയേറ്റ് ബാങ്കുകളെയും എസ്ബിഐയില്‍ ലയിപ്പിച്ചില്ലാതാക്കാനുള്ള നീക്കം ഉപേക്ഷിക്കണമെന്ന് ബാങ്ക് യൂനിയനുകളുടെ ഐക്യവേദി ആവശ്യപ്പെട്ടു. ജനവിരുദ്ധ ബാങ്കിങ് പരിഷ്‌കാരങ്ങള്‍ക്കെതിരേ ബാങ്കിങ് മേഖലയിലെ മുഴുവന്‍ ജീവനക്കാരെയും ഓഫിസര്‍മാരെയും പ്രതിനിധാനം ചെയ്യുന്ന 9 യൂനിയനുകളും ചേര്‍ന്നുള്ള ഐക്യവേദി ജൂലൈ 29ന് പണിമുടക്കും. അതിന് മുന്നോടിയായുള്ള പ്രക്ഷോഭ പരിപാടികള്‍ 15ന് രാജ്യവ്യാപകമായ പ്രതിഷേധ പ്രകടനങ്ങളോടെ ആരംഭിക്കും.
27ന് ബാഡ്ജ് ധാരണവും പ്രതിഷേധ ധര്‍ണകളും ജൂലൈ 19ന് പൊതുമേഖലാ ബാങ്ക് സംരക്ഷണദിനാചരണ റാലികള്‍, ജൂലൈ 28ന് പ്രതിഷേധ പ്രകടനങ്ങള്‍, ജൂലൈ 29ന് സമ്പൂര്‍ണ ദേശീയബാങ്ക് പണിമുടക്കും കേന്ദ്രീകൃത ധര്‍ണകളും സംഘടിപ്പിക്കുമെന്ന് ഭാരവാഹികള്‍ വാര്‍ത്താക്കുറിപ്പില്‍ അറിയിച്ചു. ഈമാസം 15ന് വൈകീട്ട് തിരുവനന്തപുരം ബാങ്ക് എംപ്ലോയീസ് ഹാളില്‍ ജനകീയ കണ്‍വന്‍ഷനില്‍ സേവ് എസ്ബിടി ഫോറം രൂപീകരിച്ച് പ്രചാരണ പ്രക്ഷോഭ പരിപാടികള്‍ക്ക് രൂപം നല്‍കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day