|    Oct 19 Thu, 2017 4:41 pm
FLASH NEWS
Home   >  Todays Paper  >  Page 4  >  

ജൂനിയര്‍ ഫ്രന്റ്‌സ് മാര്‍ച്ച് നടത്തി

Published : 8th May 2016 | Posted By: swapna en

പെരുമ്പാവൂര്‍: ജിഷയുടെ ഘാതകരെ പിടികൂടണമെന്നാവശ്യപ്പെട്ട് ജൂനിയര്‍ ഫ്രന്റ്‌സിന്റെ നേതൃത്വത്തില്‍ പെരുമ്പാവൂര്‍ ഡിവൈഎസ്പി ഓഫിസിലേക്കും ജിഷ കൊല്ലപ്പെട്ടത് പെരുമ്പാവൂര്‍ എംഎല്‍എ സാജുപോളിന്റെ അനാസ്ഥ മൂലമാണെന്നുമാരോപിച്ച് എംഎല്‍എയുടെ ഓഫിസിലേക്ക് എബിവിപി പ്രവര്‍ത്തകരും മാര്‍ച്ച് നടത്തി.
എബിവിപി നടത്തിയ മാര്‍ച്ചില്‍ സംഘര്‍ഷം. നിരവധി പേര്‍ക്കു പരിക്കേറ്റു. ജൂനിയര്‍ ഫ്രന്റ്‌സ് മാര്‍ച്ച് എസ്ഡിപിഐ പെരുമ്പാവൂര്‍ മണ്ഡലം കമ്മിറ്റി പ്രസിഡന്റ് വി കെ ഷൗക്കത്തലി ഉദ്ഘാടനം ചെയ്തു. ഉസാമ ബിന്‍ അലി, മുഹ്‌സിന്‍, അഹമ്മദ് യാസിന്‍, അയിഷ, നിദ നേതൃത്വം നല്‍കി. ഇന്നലെ രാവിലെ 11 മണിയോടെയാണ് എബിവിപി പ്രവര്‍ത്തകര്‍ എംഎല്‍എ ഓഫിസിലേക്കു മാര്‍ച്ച് സംഘടിപ്പിച്ചത്.
രോഷാകുലരായ നാട്ടുകാര്‍ വെള്ളിയാഴ്ച രാത്രി കുറുപ്പുപടി പോലിസ് സ്റ്റേഷനു മുന്നില്‍ വച്ച് പോലിസ് വാഹനത്തിനു നേരെ കല്ലേറു നടത്തിയിരുന്നു. വെള്ളിയാഴ്ച രാത്രി എട്ട് മുതല്‍ 11 വരെ കുറുപ്പംപടി സ്റ്റേഷനില്‍ ഡിജിപിയുടെ നേതൃത്വത്തില്‍ ഉന്നതതല യോഗം നടന്നിരുന്നു.
പ്രതിയെ കുറുപ്പംപടി സ്റ്റേഷനില്‍ കൊണ്ടുവന്നിട്ടുണ്ടെന്ന അഭ്യൂഹം പരന്നതിനെ തുടര്‍ന്നു വന്‍ജനാവലി സ്റ്റേഷനില്‍ മുന്നില്‍ തടിച്ചുകൂടി. തുടര്‍ന്ന് പ്രതിയെ തങ്ങള്‍ക്കു വിട്ടുനല്‍കണമെന്നാവശ്യപ്പെട്ട് പോലിസുമായി വാക്കേറ്റം നടത്തി. എന്നാല്‍, അന്വേഷണ പുരോഗതി വിലയിരുത്തുന്നതിനായിരുന്നു യോഗം നടന്നത്. തുടര്‍ന്നായിരുന്നു യോഗത്തിനു ശേഷം തിരികെ പോവുകയായിരുന്ന പോലിസ് ഉദ്യോഗസ്ഥരുടെ വാഹനത്തിനു നേരെ ജനക്കൂട്ടം കല്ലെറിഞ്ഞത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക