|    Feb 24 Sat, 2018 1:58 pm
FLASH NEWS

ജീവിതനൈപുണീ പരിശീലന ക്യാംപ് സമാപിച്ചു

Published : 1st May 2017 | Posted By: fsq

 

ചിറ്റാര്‍: കാടിന്റെ മക്കള്‍ക്ക് ഉണര്‍വും ഉന്‍മേഷവും പകര്‍ന്ന് അട്ടത്തോട് മൂഴിയാര്‍ ആദിവാസി മേഖലയിലെ കുട്ടികള്‍ക്കായുളള ജീവിത നൈപുണ്യ പരിശീലന ക്യാംപിന്റെ ആദ്യ ഘട്ടം സമാപിച്ചു. സുഭക്ഷിത ബാല്യം സുന്ദര ബാല്യം പദ്ധതിയുടെ ഭാഗമായി ജില്ലാ ചൈല്‍ഡ് പ്രൊട്ടക്ഷന്‍ യൂനിറ്റാണ് ക്യാംപ് സംഘടിപ്പിച്ചത്. കഴിഞ്ഞ 19ന് ആരംഭിച്ച ക്യാ ംപില്‍ അട്ടത്തോട് ട്രൈബല്‍ എല്‍പി സ്‌കൂളില്‍ 42 കുട്ടികളും, മൂഴിയാര്‍ യുപി സ്‌കൂളില്‍ 27 കുട്ടികളും പരിശീലനം നേടി. എല്ലാ ദിവസവും രാവിലെ വിവിധ ഊരുപ്രദേശങ്ങളിലേയ്ക്ക് ക്യാംപ് സെന്ററില്‍ നിന്ന് വാഹനം അയച്ച് കുട്ടികളെ രാവിലെ സ്‌കൂളിലെത്തിക്കുകയു ം വൈകീട്ട് മുന്നോട് തിരികെ ഊരുകളിലെത്തിക്കുകയും ചെയ്തു. അവധിക്കാലത്ത് കുട്ടികള്‍ക്ക് ഭക്ഷണം ലഭിക്കാത്ത സാഹചര്യം നിലനിന്നിരുന്നതിനാല്‍ സുഭക്ഷിത ബാല്യം സുന്ദര ബാല്യം പദ്ധതി മുഖേനെ കുട്ടികള്‍ക്ക് മൂന്ന് നേരം ഭക്ഷണം ലഭ്യമാക്കിയിട്ടുണ്ട്.  ക്യാംപിലെ സംഘാടകരുടെ ശ്രമ ഫലമായി മൂഴിയാര്‍ കോളനിയിലെ മുഴുവന്‍ കുട്ടികള്‍ക്കും ക്യാംപിന്റെ സമാപന യോഗത്തില്‍ വസ്ത്രങ്ങള്‍ ലഭ്യമാക്കി. ജില്ലാ ചൈല്‍ഡ് പ്രൊട്ടക്ഷന്‍ ഓഫിസര്‍ എ ഒ അബീന്റെ അധ്യക്ഷത വഹിച്ചു. എച്ച്എല്‍എഫ്പിപിറ്റി യുടെ സ്റ്റേറ്റ് പ്രോഗ്രാം മാനേജര്‍ വിമല്‍, ക്യാംപ് കോ-ഓഡിനേറ്റര്‍ എം കെ കൃഷ്ണകുമാര്‍, നാരായണന്‍, ഷാന്‍ രമേഷ് ഗോപന്‍, വാഹിദ, മിനി, എം പ്രകാശ്, ബേബി, വിനോദിനി, സഹദ്, രഞ്ചിത്ത് എം ആര്‍ സംസാരിച്ചു. മേയ് 18 മുല്‍ 31 വരെ ക്യാംപിന്റെ രണ്ടാം ഘട്ടം മൂഴിയാറിലും, അട്ടത്തോടിലും പുനരാരംഭിക്കും. പുതിയ അധ്യയന വര്‍ഷത്തില്‍ അട്ടത്തോട്, മൂഴിയാര്‍, മേഖലയിലെ മുഴുവന്‍ കുട്ടികളെയും സ്‌കൂളികളുലും അങ്കണവാടികളിലും പ്രവേശിപ്പിക്കുന്നതിന് സജ്ജരാക്കുക എന്നുള്ളതാണ്  ക്യാംപിന്റെ പ്രധാന ലക്ഷ്യമെന്ന് ജില്ലാ ചൈ ല്‍ഡ് പ്രൊട്ടക്ഷന്‍ ഓഫിസര്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss