|    Jan 18 Wed, 2017 1:48 pm
FLASH NEWS

ജീവിതം പ്രതിസന്ധിയില്‍: ലൈഫ് ഗാര്‍ഡുമാര്‍ അനിശ്ചിതകാല സമരത്തിലേക്ക്

Published : 1st March 2016 | Posted By: SMR

തിരുവനന്തപുരം: മതിയായ വേതനമില്ലാതെ ജീവിതം പ്രതിസന്ധിയിലായ ലൈഫ് ഗാര്‍ഡുമാര്‍ അനിശ്ചിതകാല സമരത്തിനൊരുങ്ങുന്നു. തിരക്കേറിയ ബീച്ചുകളില്‍ ജീവന്‍പണയം വച്ച് സഞ്ചാരികളുടെ സുരക്ഷ ഉറപ്പാക്കുന്ന ലൈഫ്ഗാര്‍ഡ് ജീവനക്കാരുടെ ജീവിതം പക്ഷേ, അത്ര സുരക്ഷിതമല്ല.
ഒരു ദിവസം 350 രൂപ മാത്രമാണ് ശമ്പളമായി ലഭിക്കുന്നത്. തൊഴിലാളികള്‍ക്ക് ഇന്‍ഷുറന്‍സ് പരിരക്ഷയും ഇതേവരെ ലഭിച്ചില്ല. നിരവധി തവണ ആവശ്യപ്പെട്ടിട്ടും വേതന വര്‍ധനയ്ക്ക് സര്‍ക്കാര്‍ തയ്യാറാവാത്ത സാഹചര്യത്തില്‍ മാര്‍ച്ച് ഏഴു മുതല്‍ അനിശ്ചിതകാല സമരം നടത്തുകയാണെന്ന് ലൈഫ് ഗാര്‍ഡ് സംയുക്ത സമരസമിതി ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
മുന്‍കാല പ്രാബല്യത്തോടെ ശമ്പളം വര്‍ധിപ്പിക്കുക, ഇന്‍ഷുറന്‍സ് ഇപിഎഫ്, ഇഎസ്‌ഐ നടപ്പാക്കുക, ലൈഫ്ഗാര്‍ഡുമാരുടെ എണ്ണം വര്‍ധിപ്പിക്കുക എന്നീ ആവശ്യങ്ങളും സമരക്കാര്‍ ഉന്നയിക്കുന്നുണ്ട്.
വാര്‍ത്താസമ്മേളനത്തില്‍ സമരസമിതി ജനറല്‍ കണ്‍വീനര്‍ എം ശങ്കര്‍, എഫ് ആന്റണി പങ്കെടുത്തു.

Share on FacebookShare on Google+Tweet about this on TwitterShare on LinkedIn
(Visited 52 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക