|    Jan 23 Tue, 2018 7:54 pm
FLASH NEWS
Home   >  Todays Paper  >  page 10  >  

ജി രാജേന്ദ്രനും വിജയകുമാര്‍ മേനോനും കേരള ലളിതകലാ അക്കാദമി ഫെലോഷിപ്പ്

Published : 6th January 2018 | Posted By: kasim kzm

തിരുവനന്തപുരം: 2017ലെ കേരള ലളിതകലാ അക്കാദമിയുടെ ഫെല്ലോഷിപ്പിനു ചിത്രകാരന്‍ ജി രാജേന്ദ്രനും കലാനിരൂപകന്‍ വിജയകുമാര്‍ മേനോനും അര്‍ഹരായി. ഒരു ലക്ഷം രൂപയും പ്രശസ്തിപത്രവും ശില്‍പവും അടങ്ങുന്നതാണു ഫെലോഷിപ്പ്. കേരള ലളിതകലാ അക്കാദമി ചെയര്‍മാന്‍ നേമം പുഷ്പരാജ്, സെക്രട്ടറി പൊന്ന്യം ചന്ദ്രന്‍ എന്നിവര്‍ വാര്‍ത്താ സമ്മേളനത്തിലാണ് അവാര്‍ഡ് പ്രഖ്യാപിച്ചത്. രണ്ടു തവണ കേരള ലളിതകലാ അക്കാദമി ഭരണസമിതി അംഗമായും 1983ല്‍ കേന്ദ്ര ലളിതകലാ അക്കാദമിയില്‍ സംസ്ഥാന പ്രതിനിധിയായും ജി രാജേന്ദ്രന്‍ പ്രവര്‍ത്തിച്ചിട്ടുണ്ട്. മനുഷ്യരൂപരചനയില്‍ ചടുലത സക്രിയമാക്കാന്‍ എങ്ങനെ കഴിയുമെന്ന് അന്വേഷിച്ച കലാകാരനാണ് ജി രാജേന്ദ്രന്‍.  കലാവൈജ്ഞാനിക മേഖലയില്‍ മലയാളത്തിനു നിസ്തുലമായ സംഭാവന നല്‍കിയ കലാകാരനാണു വിജയകുമാര്‍ മേനോന്‍.   ലളിതകലാ അക്കാദമി, കേരള സാഹിത്യ അക്കാദമി  പുരസ്‌കാരങ്ങള്‍ ഉള്‍പ്പെടെ നിരവധി ബഹുമതികള്‍ വിജയകുമാര്‍ മേനോന് ലഭിച്ചിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day