|    Feb 23 Fri, 2018 12:34 am
FLASH NEWS
Home   >  Todays Paper  >  Page 4  >  

ജിഷ കൊലപാതം: നാള്‍വഴി

Published : 13th December 2017 | Posted By: kasim kzm

2016 ഏപ്രില്‍ 28: പെരുമ്പാവൂര്‍ വട്ടോളിപ്പടി കുറ്റിക്കാട്ടില്‍ വീട്ടില്‍ രാജേശ്വരിയുടെ മകളായ നിയമ വിദ്യാര്‍ഥിനി ജിഷയെ ഒറ്റമുറി മാത്രമുള്ള വീട്ടില്‍ മരിച്ചനിലയില്‍ കണ്ടെത്തുന്നു.ഏപ്രില്‍ 29: കൊലപാതകത്തിന്റെ വകുപ്പ് മാത്രം ചേര്‍ത്ത് കുറുപ്പംപടി പോലിസ് മജിസ്‌ട്രേറ്റ് കോടതിയില്‍ റിപോര്‍ട്ട് നല്‍കി. ജിഷയുടെ ശരീരത്തില്‍നിന്നു ശേഖരിച്ച സാംപിളുകളും വീടിനുള്ളില്‍നിന്നു ലഭിച്ച വിരലടയാളങ്ങളും ഫോറന്‍സിക് പരിശോധനയ്ക്കയച്ചു.മെയ് 2: പ്രതിയുടേത് എന്നു സംശയിക്കുന്ന ഒരു ജോഡി കറുത്ത പ്ലാസ്റ്റിക് ചെരിപ്പ്  ജിഷയുടെ വീടിനു സമീപത്തെ കനാലില്‍ നിന്നു ലഭിക്കുന്നു. ജിഷ ക്രൂരമായി പീഡിപ്പിക്കപ്പെട്ടിട്ടുണ്ടെന്ന റിപോര്‍ട്ട് പുറത്തുവരുന്നു. സംഭവം മാധ്യമങ്ങള്‍ ഏറ്റെടുത്തു. നാലുപേരെ ചോദ്യംചെയ്യാന്‍ കസ്റ്റഡിയിലെടുക്കുന്നു.മെയ് 3: അന്നത്തെ ആഭ്യന്തരമന്ത്രി രമേശ് ചെന്നിത്തല പെരുമ്പാവൂരില്‍ എത്തിയെങ്കിലും എതിര്‍പ്പിനെ തുടര്‍ന്ന് ജിഷയുടെ മാതാവിനെ കാണാതെ മടങ്ങിപ്പോയി.മെയ് 4: ജിഷയുടെ ശരീരത്തില്‍ 38 മുറിവുകളേറ്റതായി വിശദമായ പോസ്റ്റ്‌മോര്‍ട്ടം റിപോര്‍ട്ട് പുറത്തുവന്നു. ക്രൂരമായ ആക്രമണവും പീഡനവും മൂലമാണു മരണം നടന്നതെന്നും റിപോര്‍ട്ടില്‍.മെയ് 7: അന്നത്തെ ഡിജിപി ടി പി സെന്‍കുമാറും ഇന്റലിജന്‍സ് മേധാവി ഹേമചന്ദ്രനും സംഭവസ്ഥലം സന്ദര്‍ശിച്ചു.മെയ് 7: അന്വേഷണത്തില്‍ ഇടപെടാനാവില്ലെന്ന് ഹൈക്കോടതിയുടെ ഉത്തരവ്. ജിഷയുടെ ഘാതകരെ കണ്ടെത്തണമെന്നാവശ്യപ്പെട്ട്് പെരുമ്പാവൂരില്‍ എല്‍ഡിഎഫ് രാപകല്‍ സമരം ആരംഭിച്ചു.മെയ് 9: പ്രതിയെന്ന് സംശയിക്കുന്നയാളുടെ ആദ്യ രേഖാചിത്രം പുറത്തുവിട്ടു.മെയ് 12: ജിഷയുടെ ശരീരത്തിലേറ്റ കടിയുടെ അടിസ്ഥാനത്തില്‍ മുന്‍നിരയിലെ പല്ലുകളില്‍ വിടവുള്ളയാളുകളെക്കുറിച്ച് അന്വേഷണം തുടങ്ങുന്നു.മെയ് 15: പ്രതിയുടേതെന്നു സംശയിക്കുന്ന ഡിഎന്‍എ സാംപിള്‍ തിരിച്ചറിഞ്ഞു. പിണറായി വിജയന്റെ നേതൃത്വത്തിലുള്ള പുതിയ മന്ത്രിസഭയുടെ ആദ്യയോഗത്തില്‍ അന്വേഷണച്ചുമതല എഡിജിപി ബി സന്ധ്യക്കു കൈമാറാന്‍ തീരുമാനം.മെയ് 27: ദക്ഷിണ മേഖല എഡിജിപി ബി സന്ധ്യ അന്വേഷണം ഏറ്റെടുത്തു. ജൂണ്‍ 2: ടി പി സെന്‍കുമാറിനു പകരം ലോക്‌നാഥ് ബെഹ്‌റ പുതിയ ഡിജിപിയായി ചുമതലയേറ്റു.ജൂണ്‍ 3: പുതിയ അന്വേഷണസംഘം കൊലയാളിയുടെ പുതിയ കളര്‍ രേഖാചിത്രം തയ്യാറാക്കി പുറത്തുവിട്ടു.ജൂണ്‍ 5: ഡിജിപി ലോക്‌നാഥ് ബെഹ്‌റ ജിഷയുടെ വീട് സന്ദര്‍ശിച്ചു. ജൂണ്‍ 14: അസം സ്വദേശി അമീറുല്‍ ഇസ്‌ലാം കേസില്‍ കാഞ്ചീപുരത്ത് നിന്നു പോലിസ് കസ്റ്റഡിയില്‍. ചെരിപ്പില്‍ കണ്ടെത്തിയ രക്തം ജിഷയുടേതാണെന്നു പരിശോധനാ ഫലം.ജൂണ്‍ 15: പ്രതി അമീറുല്‍ ഇസ്‌ലാം കുറ്റം സമ്മതിച്ചതായി പോലിസ്.ജൂണ്‍ 16: ഡിഎന്‍എ പരിശോധനയിലും പ്രതി അമീറുല്‍ ഇസ്‌ലം ആണെന്ന് തെളിയുന്നു.ജൂണ്‍ 17: പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.സപ്തംബര്‍ 17: എറണാകുളം പ്രിന്‍സിപ്പല്‍ സെഷന്‍സ് കോടതിയില്‍ അമീറുല്‍ ഇസ്് ലാമിനെ ഏക പ്രതിയാക്കി കുറ്റപത്രം സമര്‍പ്പിച്ചു.2017 മാര്‍ച് 13: കേസിന്റെ വിചാരണ നടപടികള്‍ ആരംഭിച്ചു.2017 ഡിസംബര്‍ 6: കേസില്‍ ഇരു ഭാഗത്തിന്റെയും വാദം പൂര്‍ത്തിയായി. 2017 ഡിസംബര്‍ 12: അമീറുല്‍ ഇസ്‌ലാം കുറ്റക്കാരനെന്ന് കോടതി വിധിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss