|    Feb 18 Sun, 2018 8:40 am
Home   >  Todays Paper  >  Page 4  >  

ജിഷ്ണു പ്രണോയ് കേസില്‍ സര്‍ക്കാര്‍ പരസ്യം : വാദം 27ലേക്കു മാറ്റി

Published : 13th May 2017 | Posted By: fsq

 

തിരുവനന്തപുരം: ജിഷ്ണു പ്രണോയ് വിഷയത്തില്‍ സര്‍ക്കാര്‍ വിശദീകരണ പരസ്യം നല്‍കിയതില്‍ മുഖ്യമന്ത്രിയെ പ്രതിചേര്‍ത്ത് കേസെടുക്കണമെന്ന ഹരജിയില്‍ അന്തിമവാദം കേള്‍ക്കുന്നത് തിരുവനന്തപുരം വിജിലന്‍സ് പ്രത്യേക കോടതി ഈമാസം 27ലേക്കു മാറ്റി. പാമ്പാടി നെഹ്‌റു കോളജ് വിദ്യാര്‍ഥി ജിഷ്ണു പ്രണോയിയുടെ മരണവുമായി ബന്ധപ്പെട്ട് അമ്മ മഹിജ പോലിസ് ആസ്ഥാനത്ത് നടത്തിയ സമരത്തെ സര്‍ക്കാര്‍ നേരിട്ട രീതി വിമര്‍ശനത്തിന് ഇടയാക്കിയിരുന്നു. ഇതേത്തുടര്‍ന്നാണ് വിശദീകരണവുമായി സര്‍ക്കാര്‍ വിവിധ പത്രങ്ങളില്‍ പരസ്യം നല്‍കിയത്. ഇതുവഴി സര്‍ക്കാര്‍ ഖജനാവില്‍ നിന്നും ഒരുകോടി രൂപയുടെ നഷ്ടം സംഭവിച്ചുവെന്നാണു പൊതുപ്രവര്‍ത്തകനായ പായിച്ചിറ നവാസ് നല്‍കിയ ഹരജിയിലെ ആരോപണം. മുഖ്യമന്ത്രി പിണറായി വിജയന്‍, പിആര്‍ഡി അഡീ. സെക്രട്ടറി ഉഷാ ടൈറ്റസ്, പിആര്‍ഡി ഡയറക്ടര്‍ അമ്പാടി, ഫിനാന്‍സ് സെക്രട്ടറി കെ എം എബ്രഹാം, ചീഫ് സെക്രട്ടറി നളിനി നെറ്റോ എന്നിവരാണ് എതിര്‍കക്ഷികള്‍.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss