|    May 26 Fri, 2017 5:42 am
FLASH NEWS

ജില്ലാ പഞ്ചായത്ത് സ്ഥിരംസമിതി അധ്യക്ഷന്മാരായി

Published : 9th December 2015 | Posted By: SMR

കണ്ണൂര്‍: ജില്ലാ പഞ്ചായത്തിലെ അഞ്ചു സ്റ്റാന്റിങ് കമ്മിറ്റികളിലേക്കും അധ്യക്ഷന്മാരെ എതിരില്ലാതെ തിരഞ്ഞെടുത്തു. വൈസ് പ്രസിഡന്റ് പി പി ദിവ്യയാണ് ധനകാര്യ സ്റ്റാന്റിങ് കമ്മിറ്റി ചെയര്‍പേഴ്‌സന്‍.
ആരോഗ്യ വിദ്യാഭ്യാസം-കെ വി സുമേഷ്, പൊതുമരാമത്ത്-കെ ശോഭ, ക്ഷേമം-ടി ടി റംല, വികസനം-കെ വി സുരേഷ് ബാബു എന്നിവരാണു തിരഞ്ഞെടുക്കപ്പെട്ടത്. ധനകാര്യം, ആരോഗ്യ-വിദ്യാഭ്യാസം, ക്ഷേമം, പൊതുമരാമത്ത് എന്നീ നാലു സമിതികളിലെ അധ്യക്ഷസ്ഥാനം സിപിഎമ്മിനാണ്. വികസന സമിതി ചെയര്‍മാന്‍ സ്ഥാനമാണ് സിപിഐക്കു ലഭിച്ച ഏക പദവി.
സ്റ്റാന്റിങ് കമ്മിറ്റികളിലേക്ക് അംഗങ്ങളെ ഡിസംബര്‍ രണ്ടിന് എതിരില്ലാതെ തിരഞ്ഞെടുത്തിരുന്നു.
സ്റ്റാന്റിങ് കമ്മിറ്റി ചെയര്‍മാന്‍, അംഗങ്ങള്‍ എന്ന ക്രമത്തില്‍: ധനകാര്യം-ചെയര്‍പേഴ്‌സണ്‍: പി പി ദിവ്യ (സിപിഎം), അംഗങ്ങള്‍-പി പി ഷാജിര്‍ സിപിഎം), സുമിത്ര ഭാസ്‌കരന്‍ (കോണ്‍ഗ്രസ്), സണ്ണി മേച്ചേരി (കോണ്‍ഗ്രസ് ), കെ പി ചന്ദ്രന്‍ (ജെഡിയു). ആരോഗ്യ വിദ്യാഭ്യാസം-ചെയര്‍മാന്‍: കെ വി സുമേഷ് (സിപിഎം), അംഗങ്ങള്‍-പി ജാനകി (സിപിഎം), കെ പി ജയബാലന്‍ (എല്‍ഡിഎഫ് സ്വതന്ത്രന്‍), അജിത് മാട്ടൂല്‍ (കോണ്‍ഗ്രസ്). വികസനം-ചെയര്‍മാന്‍: കെ വി സുരേഷ് ബാബു (സിപിഐ), അംഗങ്ങള്‍-ആര്‍ അജിത (സിപിഎം), ടി ആര്‍ സുശീല (സിപിഎം), അന്‍സാരി തില്ലങ്കേരി (മുസ്‌ലിം ലീഗ്), പി കെ സരസ്വതി (കോണ്‍ഗ്രസ്).
പൊതുമരാമത്ത്-ചെയര്‍പേഴ്‌സണ്‍: കെ ശോഭ (സിപി എം), അംഗങ്ങള്‍-കെ നാണു (സിപിഎം), കെ മഹിജ (സിപിഐ), തേമസ് വര്‍ഗീസ് (കോണ്‍ഗ്രസ്), ജോയി കൊന്നക്കല്‍ (കേരള കോണ്‍ഗ്രസ്-എം). ക്ഷേമം- ചെയര്‍പേഴ്‌സണ്‍: ടി ടി റംല (സിപിഎം), അംഗങ്ങള്‍- പി വിനീത (സിപിഎം), പി ഗൗരി (സിപിഎം), മാര്‍ഗരറ്റ് ജോസ് (കോണ്‍ഗ്രസ്). വരണാധികാരി കൂടിയായ എ ഡിഎംഒ മുഹമ്മദ് അസ്‌ലം തിരഞ്ഞെടുപ്പ് നിയന്ത്രിച്ചു. ജില്ലാ പഞ്ചായത്ത് സെക്രട്ടറി എം കെ ശ്രീജിത്ത് പങ്കെടുത്തു. 24 അംഗ ജില്ലാ പഞ്ചായത്തില്‍ എല്‍ഡിഎഫ് 15, യുഡിഎഫ് 9 എന്നിങ്ങനെയാണ് കക്ഷിനില.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day