|    Jul 23 Sun, 2017 4:37 pm
FLASH NEWS

ജില്ലാ പഞ്ചായത്ത് ധനകാര്യസമിതിയില്‍ ബിജെപി പ്രതിനിധിയെ ഉള്‍പ്പെടുത്തി

Published : 2nd December 2015 | Posted By: SMR

കാസര്‍കോട്: ജില്ലാ പഞ്ചായത്ത് ധനകാര്യ സ്ഥിരംസമിതിയിലുള്ള ഒരു ഒഴിവില്‍ ബിജെപി അംഗം കെ ശ്രീകാന്തിനെ ഉള്‍പ്പെടുത്തിയതായി വരണാധികാരിയായ എഡിഎം എച്ച് ദിനേശന്‍ അറിയിച്ചു.
ജില്ലാ പഞ്ചായത്ത് ഹാളില്‍ ചേര്‍ന്ന അംഗങ്ങളുടെ തിരഞ്ഞെടുപ്പിനുള്ള യോഗത്തില്‍ ആരും നാമനിര്‍ദ്ദേശപത്രിക സമര്‍പ്പിക്കാത്ത സാഹചര്യത്തിലാണ് സംസ്ഥാന തിരഞ്ഞെടുപ്പ് കമ്മീഷന്റെ നടപടിക്രമമനുസരിച്ച് മറ്റു സ്ഥിരം സമിതികളില്‍ ഒന്നും ഉള്‍പ്പെട്ടിട്ടില്ലാത്ത ഏക അംഗമായ കെ ശ്രീകാന്തിനെ ധനകാര്യസമിതിയില്‍ ഉള്‍പ്പെടുത്തിയതായി വരണാധികാരി പ്രഖ്യാപിച്ചത്.
പി സി സുബൈദ, എം കേളുപണിക്കര്‍ എന്നിവരാണ് ധനകാര്യസ്ഥിരം സമിതിയിലെ മറ്റംഗങ്ങള്‍. യോഗത്തില്‍ ജില്ലാ പഞ്ചായത്ത് പ്രസിഡന്റ് എ ജി സി ബഷീര്‍, വൈസ്പ്രസിഡന്റ് ശാന്തമ്മഫിലിപ്പ്, അംഗങ്ങളായ സുഫൈജ ടീച്ചര്‍, എം കേളുപണിക്കര്‍, എ പി ഉഷ, പി സി സുബൈദ, ജില്ലാ പഞ്ചായത്ത് സെക്രട്ടറി ഇ പി രാജ്‌മോഹന്‍, തിരഞ്ഞെടുപ്പ് വിഭാഗം ഉദ്യോഗസ്ഥര്‍ സംബന്ധിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക