|    Oct 15 Mon, 2018 9:07 pm
FLASH NEWS

ജില്ലാ അത്‌ലറ്റിക് മീറ്റ്: 10ാം തവണയും ഐഡിയല്‍ കടകശ്ശേരി ജേതാക്കള്‍

Published : 1st October 2018 | Posted By: kasim kzm

മുജീബ് ചേളാരി
തേഞ്ഞിപ്പലം: കാലിക്കറ്റ് സര്‍വകലാശാല സിന്തറ്റിക് സ്റ്റേഡിയത്തില്‍ ജില്ലാ അത്‌ലറ്റിക് അസോസിയേഷന്‍ രണ്ട് ദിവസങ്ങളിലായി സംഘടിപ്പിച്ച 48ാമത് മലപ്പുറം ജില്ലാ അത്‌ലറ്റിക് മീറ്റില്‍ 54 സ്വര്‍ണവും 35 വെള്ളിയും 24 വെങ്കലവുമടക്കം 729 പോയന്റുകള്‍ കരസ്ഥമാക്കി ഐഡിയല്‍ കടകശ്ശേരി ഇംഗ്ലീഷ് സ്‌കൂള്‍ തുടര്‍ച്ചയായ 10ാം തവണയും ചാംപ്യന്‍മാരായി.
അഞ്ചുവര്‍ഷം തുടര്‍ച്ചയായി ചാംപ്യന്‍മാരായിരുന്ന ഐഡിയല്‍ കടകശ്ശേരി 2008 ല്‍ മാത്രമാണ് ചാംപ്യന്‍പട്ടം വിട്ടുകൊടുത്തത്. 17 സ്വര്‍ണം, 12 വെള്ളി, 10 വെങ്കലം എന്നിവ നേടി മൊത്തം 260 പോയിന്റുമായി തവനൂര്‍ സ്‌പോര്‍ട്‌സ് അക്കാദമി രണ്ടാം സ്ഥാനത്തും ഏഴ് സ്വര്‍ണവും ആറ് വെള്ളിയും 12 വെങ്കലവുമായി 180.5 പോയിന്റുമായി. കെഎച്ച്എംഎച്ച്എസ് വാളക്കുളം മൂന്നാംസ്ഥാനവും കരസ്ഥമാക്കി. 176 പോയന്റുമായി സിഎച്ച്എംഎച്ച്എസ് നാലാം സ്ഥാനത്തും 135 പോയന്റുമായി മൗലാനാ സ്‌പോര്‍ട് അക്കാദമി അഞ്ചാം സ്ഥാനത്തുമുണ്ട്. സമാപന ചടങ്ങില്‍ കാലിക്കറ്റ് സര്‍വകലാശാല വൈസ് ചാന്‍സലര്‍ ഡോ. കെ മുഹമ്മദ്— ബഷീര്‍ സമ്മാനവിതരണം നിര്‍വഹിച്ചു.അസോസിയേഷന്‍ പ്രസിഡന്റ് ഡോ. വി പി സക്കീര്‍ ഹുസൈന്‍, മജീദ് ഐഡിയല്‍, പ്രഫ. വേലായുധന്‍കുട്ടി, കെ കെ രവീന്ദ്രന്‍, ഋഷികേശ്, മുഹമ്മദ് ഖാസിം, ബാപ്പു, സൈഫുദ്ദീന്‍,പ്രവീണ്‍കുമാര്‍ സംസാരിച്ചു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss