|    Mar 26 Sun, 2017 10:36 pm
FLASH NEWS

ജില്ലാകോടതിയില്‍ വീഡിയോ കോണ്‍ഫറന്‍സ് സംവിധാനം ആരംഭിച്ചു

Published : 1st March 2016 | Posted By: SMR

വിദ്യാനഗര്‍: ജില്ലാകോടതി സമുച്ചയത്തില്‍ വീഡിയോ കോ ണ്‍ഫറന്‍സ് സൗകര്യം പ്രി ന്‍സിപ്പല്‍ ജില്ലാ ജഡ്ജ് ടി എസ് പി മൂസത് ഉദ്ഘാടനം ചെയ്തു. എന്‍ഐസി യുടെ സഹായത്തോടെ സംസ്ഥാനത്ത് ആറു ജില്ലകളില്‍ നടപ്പിലാക്കുന്ന പദ്ധതിയുടെ ആദ്യ പ്രൊജക്ടാണ് കാസര്‍കോട് ആരംഭിച്ചത്.
കാസര്‍കോടിനു ശേഷം പത്തനംതിട്ട, ആലപ്പുഴ, പാലക്കാട്, മലപ്പുറം, കോഴിക്കോട് ജില്ലകളിലാണ് വീഡിയോ കോണ്‍ഫറന്‍സ് സംവിധാനം ഏര്‍പ്പെടുത്തുന്നത്. കോടതിയില്‍ വരാതെ റിമാന്റ് തടവുകാര്‍ക്ക് ജയിലില്‍ നിന്നുതന്നെ വിചാരണ ചെയ്യാന്‍ ഈ സംവിധാനത്തിലൂടെ സാധിക്കും. പ്രതികളെ ജയിലില്‍ നിന്ന് കോടതിയിലേക്ക് കൊണ്ടു വരുന്നതിനുള്ള സമയം ലാഭിക്കാനും പോലിസുകാരെ ഡ്യൂട്ടി നിയോഗിക്കുന്നതിലും കുറവു വരുത്താന്‍ ഇതു വഴി സാധിക്കും.
ശബരിമല ഡ്യൂട്ടിക്ക് കൂടുതല്‍ പോലിസുകാരെ നിയോഗിക്കുമ്പോള്‍ കോടതിയില്‍ പ്രതികളെ ഹാജരാക്കുന്നതിന് പോലിസുകാരുടെ ക്ഷാമം നേരിടാറുണ്ട്. ഈ പ്രശ്‌നങ്ങള്‍ക്കെല്ലാം ഇതോടെ പരിഹാരമായി.
അഡീഷണല്‍ ജഡ്ജ് ഫസ്റ്റ് കെ സനല്‍കുമാര്‍, അഡീഷണല്‍ ജഡ്ജ് കെ ഗോപകുമാര്‍, ജുഡീഷ്യല്‍ ഫസ്റ്റ് ക്ലാസ്സ് മജിസ്‌ട്രേറ്റ് ഇ രഞ്ജിത്, പ്രിന്‍സിപ്പല്‍ മുന്‍സിഫ് എം സി ബിജു, അഡീഷണല്‍ മുന്‍സിഫ് സി ആര്‍ രാജശ്രീ, ബാര്‍ അസോസിയേഷന്‍ പ്രസിഡന്റ് കെ എന്‍ ഭട്ട്, ജില്ലാ ജയില്‍ സൂപ്രണ്ട് കെ വിനു, ജില്ലാ കോടതി ശിരസ്തദാര്‍ വി കുമാരന്‍, പബ്ലിക് പ്രൊസിക്യൂട്ടര്‍ സി ഷുക്കൂര്‍, ഡെപ്യൂട്ടി ഡയറക്ടര്‍ ഓഫ് പ്രൊസിക്യൂഷന്‍ സി പ്രഭാകരന്‍ സംസാരിച്ചു. കാഞ്ഞങ്ങാട് ജില്ലാ ജയിലിലെ തടവുകാരനായ ജോബിയെ ജില്ലാ ജഡ്ജ് വീഡിയോ കോണ്‍ഫറന്‍സിലൂടെ വിചാരണ നടത്തിയാണ് ഉദ്ഘാടനം നിര്‍വഹിച്ചത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക