|    May 28 Sun, 2017 8:37 am
FLASH NEWS

ജില്ലയില്‍ പുതുതായി 1,06,245 വോട്ടര്‍മാര്‍

Published : 21st April 2016 | Posted By: SMR

കൊച്ചി: ജില്ലയില്‍ തിരഞ്ഞെടുപ്പ് ഒരുക്കങ്ങളുടെ അവസാന ഘട്ടത്തിലേക്ക് കടന്നപ്പോള്‍ വോട്ടര്‍ പട്ടികയില്‍ പുതിയതായി 1,06,245 പേര്‍ പേര് ചേര്‍ത്തു. ഏറ്റവും കൂടുതല്‍ പേര്‍ രജിസ്റ്റര്‍ ചെയ്തത് ആലുവ നിയോജക മണ്ഡലത്തില്‍.
12,274 പേരാണ് ആലുവയില്‍ പുതിയതായി രജിസ്റ്റര്‍ ചെയ്തത്. ഏറ്റവും കുറവ് കുന്നത്തുനാട് മണ്ഡലത്തിലാണ്, 4603 പേര്‍. പെരുമ്പാവൂരില്‍- 6597, അങ്കമാലി- 6539, കളമശേരി- 9644, പറവൂര്‍- 8117, വൈപ്പിന്‍- 5566, കൊച്ചി- 6893, തൃപ്പൂണിത്തുറ- 9217, എറണാകുളം- 7423, തൃക്കാക്കര- 9011, പിറവം- 6120, മൂവാറ്റുപുഴ- 7218, കോതമംഗലം- 7023 എന്നിങ്ങനെയാണ് പുതിയ വോട്ടര്‍മാര്‍. നിയമസഭാ തിരഞ്ഞെടുപ്പില്‍ വോട്ടവകാശം ലഭിക്കുന്നതിനായി വോട്ടര്‍ പട്ടികയില്‍ പേരു ചേര്‍ക്കുന്നതിനുള്ള സമയപരിധി അവസാനിച്ചു.
നിയോജക മണ്ഡലങ്ങള്‍ തിരിച്ച് അപേക്ഷകള്‍ വ്യക്തമായി പരിശോധിച്ചതിന് ശേഷം അന്തിമ വോട്ടര്‍ പട്ടിക പ്രസിദ്ധീകരിക്കും.
തിരഞ്ഞെടുപ്പിന്റെ ഭാഗമായി നടന്ന ബോധവല്‍ക്കരണ പരിപാടികള്‍ കൂടുതല്‍ പേര്‍ വോട്ടര്‍പട്ടികയില്‍ പേര് രജിസ്റ്റര്‍ ചെയ്യാന്‍ വഴിയൊരുക്കിയെന്ന് ജില്ലാ കലക്ടര്‍ എം ജി രാജമാണിക്യം അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day