|    Jun 23 Fri, 2017 12:07 am
FLASH NEWS
Home   >  Todays Paper  >  Page 4  >  

ജിഎസ്ടി ഓര്‍ഡിനന്‍സായി പുറത്തുവരുന്നത് ശരിയല്ല: ചെന്നിത്തല

Published : 20th June 2017 | Posted By: fsq

 

കോഴിക്കോട്: 173 വകുപ്പുകളുള്ള ജിഎസ്ടി ബില്ല് ഓര്‍ഡിനന്‍സായി പുറത്തുവരുന്നത് ശരിയായ നടപടിയല്ലെന്ന് പ്രതിപക്ഷ നേതാവ് രമേശ് ചെന്നിത്തല. ഇതിനായി പ്രത്യേക യോഗം വിളിച്ച് ചര്‍ച്ച നടത്തണമായിരുന്നു. രാജ്യത്ത് 26 സംസ്ഥാനങ്ങളില്‍ ജിഎസ്ടി ബില്ല് പാസാക്കിക്കഴിഞ്ഞു എന്നിരിക്കെ മറ്റു സംസ്ഥാനങ്ങള്‍ കാണിച്ച മാതൃക എല്‍ഡിഎഫ് സര്‍ക്കാരും കാണിക്കണമെന്ന് അദ്ദേഹം പറഞ്ഞു. ജേക്കബ് തോമസിനെ ഐഎംജി ഡയറക്ടറായി നിയമിച്ചുള്ള ഉത്തരവിലൂടെ എല്‍ഡിഎഫ് സര്‍ക്കാരിന്റെ യഥാര്‍ഥ മുഖമാണ് പുറത്തുവന്നിരിക്കുന്നത്. തത്തയുടെ സ്ഥാനം എവിടെയാണെന്നു വ്യക്തമായി. ഐഎംജി ഡയറക്ടറായി നിയമിച്ച് തത്തയുടെ കൈയും കാലും ഒടിച്ച് ഒരു മൂലയ്ക്കിരുത്തിയതായി അദ്ദേഹം പറഞ്ഞു. എല്‍ഡിഎഫ് സര്‍ക്കാരിന്റെ ഒന്നാം വാര്‍ഷികാഘോഷം ആഘോഷം മാത്രമായിരുന്നു. കഴിഞ്ഞ സര്‍ക്കാരിന്റെ തുടര്‍ച്ചയല്ലാതെ പുതുതായി ഒരു പദ്ധതി പോലും നടപ്പാക്കാന്‍ സര്‍ക്കാരിനു സാധിച്ചിട്ടില്ല. എല്‍ഡിഎഫ് സര്‍ക്കാര്‍ സമ്പൂര്‍ണ പരാജയമാണ്. സംസ്ഥാനത്ത് പോലിസ് തലപ്പത്തും അഭിപ്രായവ്യത്യാസങ്ങള്‍ തുടരുകയാണെന്നും അദ്ദേഹം കൂട്ടിച്ചേര്‍ത്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക