|    Mar 24 Fri, 2017 11:24 pm
FLASH NEWS

ജാര്‍ഖണ്ഡില്‍ കാറില്‍ തീവണ്ടിയിടിച്ച് 14 മരണം

Published : 9th December 2015 | Posted By: SMR

റാഞ്ചി: ജാര്‍ഖണ്ഡിലെ രാംഗഡ് ജില്ലയില്‍ കാവല്‍ക്കാരില്ലാത്ത ലെവല്‍ക്രോസില്‍ തീവണ്ടി കാറിലിടിച്ച് ബന്ധുക്കളായ 14 പേര്‍ മരിച്ചു. തിങ്കളാഴ്ച അര്‍ധരാത്രിയായിരുന്നു സംഭവം. മൂന്നു പുരുഷന്‍മാരും നാലു സ്ത്രീകളും ഏഴു കുട്ടികളുമാണ് മരിച്ചത്.
ലെവല്‍ക്രോസ് കടക്കുകയായിരുന്ന ബൊലേറോ കാറില്‍ ഹൗറ-ഭോപാല്‍ എക്‌സ്പ്രസ് തീവണ്ടി ഇടിക്കുകയായിരുന്നു. റെയില്‍പ്പാളത്തില്‍ കാറിന്റെ ചക്രങ്ങള്‍ കുരുങ്ങിയപ്പോള്‍ യാത്രക്കാര്‍ കാറില്‍ നിന്നിറങ്ങാന്‍ ശ്രമിക്കവെയാണ് തീവണ്ടി എത്തിയത്. ജില്ലയിലെ കോറി ഗ്രാമവാസികളായ കുടുംബം രാജരപ്പയിലെ ചിന്നമസ്തിക ക്ഷേത്രത്തിലെ ചടങ്ങു കഴിഞ്ഞു തിരിച്ചുവരുകയായിരുന്നു. മരിച്ചവരുടെ ആശ്രിതര്‍ക്ക് മുഖ്യമന്ത്രി രഘുബര്‍ദാസ് ഒരു ലക്ഷം രൂപ വീതം ധനസഹായം പ്രഖ്യാപിച്ചു.

(Visited 57 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക