|    May 30 Tue, 2017 11:19 am
FLASH NEWS

ജാനുവിന്റെ എന്‍ഡിഎ പ്രവേശം ജനാധിപത്യ സമൂഹം തള്ളും: ഗീതാനന്ദന്‍

Published : 8th April 2016 | Posted By: SMR

കൊച്ചി: സി കെ ജാനുവിന്റെ എന്‍ഡിഎ പ്രവേശം ജനാധിപത്യ സമൂഹം തള്ളുമെന്നും അവരുടെ പുതിയ പാര്‍ട്ടിക്ക് ആദിവാസികളും ദലിതരും പിന്തുണ നല്‍കില്ലെന്നും ജനാധിപത്യ ഊര് വികസന മുന്നണി കണ്‍വീനര്‍ എം ഗീതാനന്ദന്‍ വാര്‍ത്താസമ്മേളനത്തില്‍ അഭിപ്രായപ്പെട്ടു. സുല്‍ത്താന്‍ ബത്തേരിയില്‍ ജാനു ജയിക്കില്ല. ബിജെപിക്ക് മുമ്പുണ്ടായതിനേക്കാള്‍ വോട്ട് കുറയും. ജാനുവിന്റെ നീക്കത്തിന് അവര്‍ തന്നെ രൂപം നല്‍കിയ ആദിവാസി ഗോത്ര മഹാസഭയുടെയും ജനാധിപത്യ ഊര് വികസന മുന്നണിയുടെയും അംഗീകാരമില്ലെന്നും അദ്ദേഹം പറഞ്ഞു. വെള്ളാപ്പള്ളി നടേശന്റെയും ബിജെപി നേതാക്കളുടെയും സാന്നിധ്യത്തില്‍ കണിച്ചുകുളങ്ങരയില്‍ എടുത്ത തീരുമാനം ആദിവാസികളുടെ അന്തസ്സിനു ചേര്‍ന്നതല്ല. അധികാര പങ്കാളിത്തത്തിനും സമ്പത്തിനും വേണ്ടി എന്‍ഡിഎയ്ക്കു മുന്നില്‍ അടിയറവു പറഞ്ഞ ജാനുവിന്റെ എടുത്തുചാട്ടം ഏവരെയും വേദനിപ്പിച്ചതായും അദ്ദേഹം പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day