|    May 20 Sun, 2018 11:26 pm
Home   >  Todays Paper  >  page 12  >  

ജാതിമതില്‍: വടയമ്പാടിയില്‍ ദലിത് ആത്മാഭിമാന സംഗമം ഇന്ന്

Published : 4th February 2018 | Posted By: kasim kzm

കൊച്ചി: കോളനികളുടെ പൊതുസ്ഥലമായി ഉപയോഗിച്ചിരുന്ന പുറമ്പോക്ക് ഭൂമിക്ക് നല്‍കിയ വ്യാജ പട്ടയം റദ്ദാക്കണമെന്നും പൊതുമൈതാനമായി പ്രഖ്യാപിക്കണമെന്നും ആവശ്യപ്പെട്ട് ദലിത് ഭൂ അവകാശ സമരമുന്നണിയുടെയും ജാതിമതില്‍ വിരുദ്ധ സമരസഹായസമിതിയുടെയും സംയുക്താഭിമുഖ്യത്തില്‍ ദലിത് ആത്മാഭിമാന സംഗമം ഇന്നു നടക്കും. രാവിലെ 10നു നടക്കുന്ന സംഗമത്തി ല്‍ എ വാസു, കെ വേണു, കെ എം സലിംകുമാര്‍, എം ഗീതാനന്ദന്‍, കെ കെ എസ് ദാസ്, കെ കെ കൊച്ച്, കെ അംബുജാക്ഷ ന്‍, എം കെ മനോജ്കുമാര്‍, അഡ്വ. സജി കെ ചേരമന്‍, പി എം വിനോദ്, സി ആര്‍ നീലകണ്ഠ ന്‍, വിളയോടി ശിവന്‍കുട്ടി തുടങ്ങിയ നിരവധി പ്രമുഖര്‍ സംബന്ധിക്കും.വടയമ്പാടി ഭജനമഠം കോളനിക്കും ലക്ഷംവീട് കോളനിക്കും ഏറക്കുറേ മധ്യഭാഗത്തെ ഒരേക്കറോളം വരുന്ന വടയമ്പാടി മൈതാനമെന്നു വിളിക്കുന്ന റവന്യൂ പുറമ്പോക്ക് ഭൂമിക്കാണ് എന്‍എസ്എസ് കരയോഗം പട്ടയം സമ്പാദിച്ചത്. ക്ഷേത്രഭൂമിക്ക് മതില്‍ കെട്ടാനെന്ന വ്യാജേന ഈ മൈതാനിയാകെ രണ്ടാ ള്‍ ഉയരത്തില്‍ ജയില്‍മതില്‍ തീര്‍ത്തതോടെയാണ് സംഭവത്തില്‍ ദലിത് സംഘടനകള്‍ ഇടപെട്ട് സമരം തുടങ്ങിയത്.ജാതിമതിലെന്നു വിശേഷിപ്പിച്ച ഈ മതിലിന്റെ ഒരുഭാഗം സമരസമിതി പ്രവര്‍ത്തകര്‍ പൊളിച്ചുനീക്കിയിരുന്നു. എന്നിട്ടും പ്രശ്‌നത്തില്‍ ഇടപെടാനോ പട്ടയത്തിന്റെ നിജസ്ഥിതി അന്വേഷിക്കാനോ സര്‍ക്കാര്‍ തയ്യാറായിട്ടില്ല. ഇതിനിടെ സമരസമിതിയുടെ പന്തല്‍ പൊളിച്ചുനീക്കുകയും നേതാക്കളെ കള്ളക്കേസില്‍ കുടുക്കുകയും ചെയ്‌തെന്നും ആക്ഷേപമുയര്‍ന്നു.താലൂക്ക് ഓഫിസിലോ സര്‍വേ സൂപ്രണ്ട് ഓഫിസിലോ ഡയറക്ടറേറ്റിലോ പോലും ഈ ഭൂമിയുടെ പട്ടയം സംബന്ധിച്ച രേഖകളില്ല. ഇത്തരത്തില്‍ നിരവധി കാരണങ്ങള്‍ ചൂണ്ടിക്കാട്ടി നാലുകോടിയോളം രൂപ വിലവരുന്ന ഭൂമിയുടെ പട്ടയം വ്യാജമാണെന്നു സമരസമിതി വാദിക്കുന്നു. ഇതിനെക്കുറിച്ച് സമഗ്രാന്വേഷണം നടത്തണമെന്നും വ്യാജ പട്ടയം റദ്ദാക്കണമെന്നുമാണ് സമരസമിതിയുടെ ആവശ്യം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss