|    Dec 13 Wed, 2017 9:16 am
Home   >  National   >  

ജാട്ടുകളുടെ സംവരണ പ്രക്ഷോഭം; ഹരിയാനയില്‍ റെയില്‍വേ സ്‌റ്റേഷന് തീയിട്ടു

Published : 20th February 2016 | Posted By: swapna en

jatt

ചണ്ഡിഗഡ്:  ജാട്ടുകളുടെ സംവരണ പ്രക്ഷോഭത്തിനിടെ ഹരിയാനയില്‍ ബുദ്ധഖേദ റെയില്‍വേസ്‌റ്റേഷന് സമരക്കാര്‍ തീയിട്ടു. ഹരിയാന റോഡ് വെയ്‌സിന്റെ ബസ്സിനും തീയിട്ടിട്ടുണ്ട്. ഒബിസി പട്ടികയില്‍ പെടുത്തണമെന്നാവശ്യപ്പെട്ടുള്ള ജാട്ടുകളുടെ സമരം ഏഴാം ദിവസവും തുടരുകയാണ്. ഹരിയാനയില്‍ അക്രമികളെ കണ്ടാലുടന്‍ വെടിവയ്ക്കാന്‍ സര്‍ക്കാര്‍ ഉത്തരവിറക്കിയിട്ടുണ്ട്. ഇതിനോടകം നിരവധി ട്രെയിന്‍ സര്‍വ്വീസുകള്‍ റദ്ദാക്കി. നിരവധി ബസ് സര്‍വ്വീസുകളും റദ്ദാക്കിയിട്ടുണ്ട്. സംഘര്‍ഷ മേഖലകളില്‍ ഹെലികോപ്റ്റര്‍ വഴി സൈന്യത്തെ ഇറക്കി.
കഴിഞ്ഞ ദിവസം സമരത്തിനിടെ ഉണ്ടായ വെടിവയ്പ്പില്‍ മൂന്നു പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു.

സമരം ശക്തമായതു ഹരിയാനയിലെ ജനജീവിതത്തെ സാരമായി ബാധിച്ചിട്ടുണ്ട്. സാമ്പത്തികമായി പിന്നാക്കം നില്‍ക്കുന്നവരുടെ സംവരണം വര്‍ധിപ്പിക്കാമെന്ന മുഖ്യമന്ത്രിയുടെ നിര്‍ദേശവും സമരക്കാര്‍ തള്ളുകയായിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക