|    Mar 24 Fri, 2017 5:35 am
FLASH NEWS

ജവാന്റെ മൃതദേഹം സംസ്‌കരിച്ചു

Published : 4th March 2016 | Posted By: SMR

പേരാമ്പ്ര: കഴിഞ്ഞ ദിവസം മഹാരാഷ്ട്രയിലെ രത്‌നഗിരിയില്‍ സഹപ്രവര്‍ത്തകന്റെ വെടിയേറ്റു മരിച്ച കോഴിക്കോട് പേരാമ്പ്ര ചാലിക്കര പഴേടത്ത് രാഘവന്‍ നമ്പ്യാരുടെ മകന്‍ രനീഷിന് നാടിന്റെ കണ്ണീരില്‍ കുതിര്‍ന്ന യാത്രാമൊഴി. മൂന്നു മണിയോടെ വീട്ടിലെത്തിക്കുമെന്നറിയിച്ച മൃതദേഹം ഒരു നോക്ക് കാണാന്‍ നാടിന്റെ നാനാഭാഗത്തുനിന്നായി നൂറുകണക്കിന് ആളുകള്‍ ഉച്ചയോടെ തന്നെ രതീഷിന്റെ വീട്ടിലും പരിസരത്തുമായി തടിച്ചു കൂടി. വൈകിട്ട് നാലോടെ മൃതദേഹവും വഹിച്ചുകൊണ്ടുള്ള വാഹനം പൊതു ദര്‍ശനത്തിന് തയാറാക്കിയ സ്ഥലത്തേക്ക് എത്തിയപ്പോഴേക്കും സ്ത്രീക ളും കുട്ടികളുമടങ്ങുന്ന ജനാവലി വിങ്ങിപ്പൊട്ടി. സിഐഎസ്എഫ് കോഴിക്കോട് റജിമെന്റ് സിഐവികെ അജിത്കുമാറിന്റെയും എസ്‌ഐ മാനുവലിന്റേയും നേതൃത്വത്തില്‍ അന്തിമോപചാരമര്‍പ്പിച്ചു. കൊയിലാണ്ടി തഹസില്‍ദാര്‍ ടി സോമനാഥന്‍, നാദാപുരം എഎസ്പി കറുപ്പസാമി, പേരാമ്പ്ര എംഎല്‍എ കെ കുഞ്ഞമ്മദ് മാസ്റ്റര്‍, ബ്ലോക്ക് പ്രസിഡന്റ് എ സി സതി, പേരാമ്പ്ര എസ്‌ഐ ജീവന്‍ ജോര്‍ജ്ജ് വിവിധ രാഷ്ട്രീയ പാര്‍ട്ടി നേതാക്കളായ എം കുഞ്ഞമ്മദ് മാസ്റ്റര്‍, അഡ്വ. മുഹമ്മദ് ഇഖ്ബാല്‍, രാജന്‍ മരുതേരി, എം മോഹന്‍മാസ്റ്റര്‍, കെ കെ രജീഷ് വിവിധ പഞ്ചായത്ത് പ്രസിഡന്റുമാരും അംഗങ്ങ ളുംഅന്തിമോപചാരമര്‍പ്പിച്ചു.

(Visited 52 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക