|    Sep 19 Wed, 2018 10:56 pm
FLASH NEWS

ജലവിതരണ പൈപ്പുകള്‍ പൊട്ടുന്നത് പതിവാകുന്നു

Published : 21st April 2018 | Posted By: kasim kzm

എരുമപ്പെട്ടി: എരുമപ്പെട്ടി കരിയന്നൂര്‍ മേഖലയില്‍ ജലവിതരണ പൈപ്പുകള്‍ പൊട്ടുന്നത് നിത്യസംഭവമായി മാറുന്നു. കുടിവെള്ളക്ഷാമം രൂക്ഷമായിരിക്കുമ്പോഴാണ് തുടര്‍ച്ചയായ പൈപ്പ് പൊട്ടലുകള്‍.
രൂക്ഷമായ കുടിവെള്ള ക്ഷാമം നേരിടുന്ന കടങ്ങോട്, എരുമപ്പെട്ടി, വേലൂര്‍ പഞ്ചായത്തുകളിലെ നിരവധി കോളനികളിലേക്ക് ശുദ്ധജല വിതരണം നടത്തുന്ന കടങ്ങോട് കുടിവെള്ള പദ്ധതിയുടെ പൈപ്പാണ് ഇപ്പോള്‍ പൊട്ടിയിരിക്കുന്നത്. കഴിഞ്ഞ കുറേ നാളുകളിലായി മേഖലകളിലെ കുടിവെള്ള പൈപ്പ് പൊട്ടുന്നത് നിത്യസംഭവമായി മാറിയിരിക്കുകയാണ്. നാട്ടുകാരുടെ നേതൃത്വത്തില്‍ നിരവധി തവണ അധികൃതരോട് പരാതിപ്പെടുന്നുണ്ടെങ്കിലും നടപടിയെടുക്കാന്‍ തയ്യാറാകുന്നില്ലെന്ന് ആരോപണമുണ്ട്. പൈപ്പ് പൊട്ടി ദിവസങ്ങളോളം ജലം പാഴാകുന്ന അവസ്ഥയും ഉണ്ടാകാറുണ്ട്.
റോഡിനോട് ചേര്‍ന്നുള്ള പൈപ്പുകള്‍ക്കാണ് കേടുപാടുകള്‍ അധികവും സംഭവിക്കുന്നത്. മഴക്കാലത്ത് പോലും കുടിവെള്ള ക്ഷാമം നേരിടുന്ന പ്രദേശങ്ങളാണിത്.
വിവിധ കുടിവെള്ള പദ്ധതികളിലെ ജലവിതരണ പൈപ്പുകളെ ആശ്രയിച്ചാണ് ഇവര്‍ കഴിയുന്നത്. അധികൃതരുടെ നിസംഗത മൂലം കുടിവെള്ളത്തിനായി കിലോമീറ്ററുകള്‍ സഞ്ചരിക്കേണ്ട അവസ്ഥയാണ് ഇപ്പോഴുള്ളത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss