|    Jun 25 Mon, 2018 10:56 pm
FLASH NEWS

ജലനിധി പദ്ധതി പൂര്‍ത്തീകരണം വൈകുന്നു : കുറ്റിപ്പുറം ഗ്രാമപ്പഞ്ചായത്ത് ഓഫിസ് എസ് ഡിപിഐ ഉപരോധിച്ചു

Published : 12th May 2017 | Posted By: fsq

 

കുറ്റിപ്പുറം: അഞ്ചു വര്‍ഷമായി തുടങ്ങിയ ജലനിധി പദ്ധതി പൂര്‍ത്തിയാക്കാത്ത പഞ്ചായത്ത് ഭരണസമിതിയുടെ ജനവഞ്ചനയ്‌ക്കെതിരേ എസ്ഡിപിഐ കുറ്റിപ്പുറം ഗ്രാമപ്പഞ്ചായത്ത് ഓഫിസ് ഉപരോധിച്ചു. ഉപരോധം എസ്ഡിപിഐ ജില്ലാ സെക്രട്ടറി കൃഷ്ണന്‍ എരഞ്ഞിക്കല്‍ ഉദ്ഘാടനം ചെയ്തു. ജലനിധിയുടെ പേരില്‍ ജനങ്ങളുടെ പണം വാങ്ങി വഞ്ചിക്കുന്ന കുറ്റിപ്പുറം പഞ്ചായത്തിന്റെ നടപടി അങ്ങേയറ്റം പ്രതിഷേധാര്‍ഹമാെണന്നും കുടിവെള്ള പ്രശ്‌നമുള്ള പ്രദേശത്ത് വാഹനത്തില്‍ വെള്ളമെത്തിക്കാന്‍ പോലും പഞ്ചായത്ത് അധികൃതര്‍ തയ്യാറാവുന്നില്ലെന്നും അദ്ദേഹം പറഞ്ഞു. ഏറെ നേരം നീണ്ട ഉപരോധത്തിനുശേഷം നേതാക്കള്‍ പഞ്ചായത്ത് സെക്രട്ടറിയുമായി നടത്തിയ ചര്‍ച്ചയില്‍ കുടിവെള്ള പ്രശ്‌ന പ്രദേശങ്ങളില്‍ വെള്ളം എത്തിക്കാമെന്ന് സെക്രട്ടറി ഉറപ്പ് നല്‍കി. ഇതിനാലാണ് പ്രവര്‍ത്തകര്‍ പിരിഞ്ഞത്. ഉപരോധത്തില്‍ കെ പി മുസ്തഫ, പി കെ സലീം, ടി നൗഷദ് സംസാരിച്ചു. ഷൗക്കത്ത് പൈങ്കണ്ണൂര്‍, ഹനീഫ ഹാജി, ഫൈസല്‍ മാരാത്ത്, റഷീദ് കുറ്റിപ്പുറം, ഉബൈദ് പാഴൂര്‍, യാഹുട്ടി ചെല്ലൂര്‍ നേതൃത്വം നല്‍കി. സ്ത്രീകളടക്കം നിരവധി പേര്‍ ഉപരോധത്തില്‍ പങ്കെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss