|    Apr 24 Tue, 2018 9:00 am
FLASH NEWS
Home   >  Todays Paper  >  Page 4  >  

ജയസൂര്യയുടെ കായല്‍ കൈയേറ്റം ഒഴിപ്പിക്കുന്നതിന് സ്റ്റേ

Published : 6th April 2018 | Posted By: kasim kzm

കൊച്ചി: ചലച്ചിത്ര താരം ജയസൂര്യയുടെ കായല്‍ കൈയേറ്റം ഒഴിപ്പിക്കുന്നത് ഹൈക്കോടതി സ്‌റ്റേ ചെയ്തു. പുതിയ ഉത്തരവുണ്ടാവുന്നതു വരെ പൊളിച്ചുനീക്കല്‍ നടപടി തടഞ്ഞുകൊണ്ടാണ് സിംഗിള്‍ബെഞ്ചിന്റെ ഉത്തരവ്.
കടവന്ത്ര ചെലവന്നൂരിലെ വീടിനു പിന്നില്‍ കായല്‍ കൈയേറി നിര്‍മിച്ചെന്ന് ആരോപണമുള്ള ബോട്ട്‌ജെട്ടിയും ചുറ്റുമതിലും പൊളിച്ചുനീക്കുന്ന കോര്‍പറേഷന്‍ നടപടിക്കെതിരേ ജയസൂര്യ സമര്‍പ്പിച്ച ഹരജിയിലാണ് ഉത്തരവ്.
കഴിഞ്ഞ ദിവസം വീടിനു പിന്നില്‍ മേല്‍ക്കൂര ഉള്‍പ്പെടെ നിര്‍മിച്ച ബോട്ട്‌ജെട്ടി കോര്‍പറേഷന്‍ അധികൃതര്‍ പൊളിച്ചുനീക്കിയിരുന്നു. ബോട്ട്‌ജെട്ടിയും ഇതിനോട് ചേര്‍ന്ന മതിലും പൊളിക്കാനുള്ള ഉത്തരവാണ് കോര്‍പറേഷന്‍ സെക്രട്ടറി പുറപ്പെടുവിച്ചിരുന്നത്. ഇതിനെതിരേ ജയസൂര്യ തദ്ദേശസ്വയംഭരണ ട്രൈബ്യൂണലിനെ സമീപിച്ചെങ്കിലും അപ്പീല്‍ തള്ളിയിരുന്നു. തുടര്‍ന്നാണ് കോര്‍പറേഷന്‍ പൊളിക്കല്‍ നടപടി ആരംഭിച്ചത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss