|    Aug 17 Fri, 2018 11:10 pm
FLASH NEWS

ജപ്പാന്‍ കുടിവെള്ള പദ്ധതിയുടെ പൈപ്പിടല്‍; പയമ്പ്ര റോഡ് തകര്‍ന്നു

Published : 8th July 2018 | Posted By: kasim kzm

നരിക്കുനി: ജപ്പാന്‍ കുടിവെള്ള പദ്ധതിയുടെ പൈപ്പിടാനായി കീറിയ പയമ്പ്ര റോഡ് തകര്‍ന്ന് യാത്ര ദുഷ്‌കരമായി. മൂട്ടോളിപണ്ടാരപ്പറമ്പ് റോഡില്‍ കുമ്മങ്ങോട്ട് താഴം മുതല്‍ പുറ്റുമണ്ണില്‍ താഴം വരെയുള്ള ഭാഗമാണ് തകര്‍ന്നത്. കഴിഞ്ഞ വേനലില്‍ കുടിവെള്ള പദ്ധതിയുടെ വിതരണ പൈപ്പുകള്‍ സ്ഥാപിക്കുന്നതിനാണ് റോഡിന്റെ ഒരു ഭാഗം കീറിയത്.
ഈ ഭാഗം മണ്ണിട്ട് മൂടിയെങ്കിലും ചിലയിടങ്ങളില്‍ ക്വാറിവേഴ്സ്റ്റും മെറ്റലും നികത്തി റോഡ് പൂര്‍വസ്ഥിതിയിലാക്കാനുള്ള പ്രവൃത്തികള്‍ നടന്നിട്ടുള്ളൂ. ഈ ഭാഗം തന്നെ മഴയില്‍ പൊളിഞ്ഞ് വീണ്ടും ചാലുകള്‍ രൂപപ്പെട്ടിരിക്കുകയാണ്. ബാക്കി ഭാഗത്ത് ഇപ്പോഴും ചെളിക്കുഴിയായി നിലകൊള്ളുകയാണ്. ഉറവയെടുക്കുന്ന വെള്ളം മുഴുവന്‍ ഈ ചാലുകളിലൂടെയും റോഡിലൂടെയും പരന്നൊലിക്കുകയുമാണ്. റോഡിലെ ചതിക്കുഴികളില്‍ അപകടവും പതിയിരിക്കുന്നു. രണ്ട് വര്‍ഷം മുമ്പ് ഈ കുടിവെള്ള പദ്ധതിയുടെ മെയിന്‍ ലൈന്‍ സ്ഥാപിക്കുന്നതിനായി റോഡിന്റെ മറുഭാഗം പകുതിയോളം ഭാഗം കീറിയാണ് പൈപ്പ് സ്ഥാപിച്ചത്. ഇതിന് ശേഷം റോഡ് പൂര്‍വസ്ഥിതിയിലാകാന്‍ കാലമേറെ കഴിഞ്ഞിരുന്നു.
ഇത് കഴിഞ്ഞപ്പോഴേക്കും വിതരണക്കുഴലുകള്‍ സ്ഥാപിക്കാന്‍ സ്ഥാപിക്കാന്‍ വീണ്ടും പണികള്‍ നടന്നതോടെ ഈ റോഡില്‍ ദുരിത യാത്രയാണ്. പൊതുമരാമത്ത് വകുപ്പിന്റെ കീഴിലുള്ള പ്രധാന മേജര്‍ റോഡുകളിലൊന്നായ ഈ റോഡിനെ ദിവസേന ആശ്രയിക്കുന്ന നൂറുകണക്കിന് യാത്രക്കാരാണ് ദുരിതമനുഭവിക്കുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss