|    Dec 12 Wed, 2018 2:15 am
FLASH NEWS

ജനപങ്കാളിത്തത്തോടെ ക്ലീന്‍ ഗ്രീന്‍ കായക്കൊടിക്ക് തുടക്കം

Published : 9th May 2018 | Posted By: kasim kzm

കുറ്റിയാടി: ഹരിത കേരള മിഷന്‍ പദ്ധതിയുടെ ഭാഗമായി കായക്കൊടി പഞ്ചായത്ത് നടപ്പാക്കുന്ന ക്ലീന്‍ ഗ്രീന്‍ കായക്കൊടിക്ക് തുടക്കമായി. പഞ്ചായത്ത് നിയോഗിച്ച ഹരിതസേനാംഗങ്ങള്‍ വിവിധ വാര്‍ഡുകളിലെ വീടുകളില്‍ നിന്നു ശേഖരിച്ച അജൈവ മാലിന്യങ്ങള്‍ തരംതിരിച്ച് എംആര്‍എഫ് കേന്ദ്രത്തിലേക്ക് എത്തിക്കാനുള്ള നടപടിയാണ് തുടരുന്നത്.
അതോടൊപ്പം പഞ്ചായത്ത് പരിധിയിലെ തോടുകള്‍, കുളങ്ങള്‍, പൊതുകുളങ്ങള്‍, തുടങ്ങിയ ജലസ്രോതസുകള്‍ എന്നിവയും ശുചീകരിച്ചു. 27 പേര്‍ അടങ്ങുന്ന ഹരിതസേനാംഗങ്ങളാണ് പരിപാടിക്ക് ചുക്കാന്‍ പിടിക്കുന്നത്. പരിപാടിക്ക് തുടക്കമിട്ടു കൊണ്ട് തളീക്കരയില്‍ ഘോഷയാത്ര നടത്തി.
പരിപാടിയുടെ ഭാഗമായി സേനാംഗങ്ങള്‍ക്ക് പഞ്ചായത്ത് പ്രസിഡന്റ് കെ ടി അശ്വതി യൂനിഫോം വിതരണം ചെയ്തു. പി പി നാണു അധ്യക്ഷത വഹിച്ചു. കെ രാജന്‍, എം എ സുഫീറ, കെ ചന്ദ്രന്‍, പി പി മൊയ്തു, മുഹമ്മദ് ബഷീര്‍, നാസര്‍ തളിയില്‍, മൂടാട്ട് ഗംഗാധരന്‍ സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss