|    Jan 24 Tue, 2017 2:20 am

ജനങ്ങള്‍ക്കു കൗതുകമായി മെട്രോ ട്രെയിന്‍ പരീക്ഷണ ഓട്ടം

Published : 28th February 2016 | Posted By: SMR

കളമശ്ശേരി: അപ്രതീക്ഷിതമായി മെട്രോ പാളത്തിലൂടെ ട്രെയിന്‍ ഓടിവരുന്നതുകണ്ട് ദേശീയപാതയിലൂടെ വാഹനത്തില്‍ പോവുന്ന യാത്രക്കാരും വിവരമറിഞ്ഞ നാട്ടുകാരും തടിച്ചുകൂടി.
പാളത്തിലൂടെ മെല്ലെയുള്ള ട്രെയിനിന്റെ യാത്ര കൗതുകത്തോടെയാണ് ജനങ്ങള്‍ നോക്കിക്കണ്ടത്. റോഡിന്റെ ഇരുവശത്തും നിന്ന ജനങ്ങള്‍ മെട്രോ ട്രെയിനിന്റെ പരീക്ഷണഓട്ടം മൊബൈലില്‍ പകര്‍ത്തുന്ന തിരക്കിലുമായി. ഇതോടെ റോഡില്‍ ഗതാഗതക്കുരുക്കും അനുഭവപ്പെട്ടു. ഇന്നലെ വൈകീട്ട് ആറുമണിയോടെയാണ് മെട്രോ ട്രെയിന്‍ പാളത്തിലൂടെ പരീക്ഷണഓട്ടം നടത്തിയത്. മുട്ടംയാര്‍ഡില്‍നിന്നാരംഭിച്ച പരീക്ഷണ ഓട്ടം കളമശ്ശേരി പ്രീമിയര്‍ ജങ്ഷന്‍ വരെ എത്തി. അഞ്ചുമിനിറ്റ് കിടന്നതിനുശേഷം തിരിച്ചുപോയി. പരീക്ഷണ ഓട്ടം കാണാന്‍ റോഡിലും വിവിധ കെട്ടിടത്തിന്റെ മുകളിലും ജനങ്ങള്‍ സ്ഥാനംപിടിച്ചു. വളരെ സാവധാനത്തില്‍ ട്രെയിന്‍ ഓടിയതിനാല്‍ ട്രെയിന്‍ ഓടുന്നരംഗം ജനങ്ങള്‍ക്ക് മൊബൈലില്‍ പകര്‍ത്താനും സൗകര്യമായി.

Share on FacebookShare on Google+Tweet about this on TwitterShare on LinkedIn
(Visited 57 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക