|    Dec 14 Thu, 2017 10:04 am
FLASH NEWS

ജനങ്ങളെ മറന്ന് കോര്‍പറേറ്റുകളെ സഹായിക്കുന്നവരുടെ സ്ഥാനം ചവറ്റു കൊട്ടയില്‍ : എ വാസു

Published : 31st October 2017 | Posted By: fsq

 

മുക്കം: പൊതു സമ്പത്തിന്റെ സിംഹഭാഗവും കൈയടക്കിയിരിക്കുന്ന കുത്തക മുതലാളിമാരെ സഹായിക്കുന്നതിനായി കേന്ദ്ര- സംസ്ഥാന സര്‍ക്കാരുകള്‍ മല്‍സരിക്കുകയാണെന്ന് എസ്ഡിടിയു സംസ്ഥാന പ്രസിഡന്റ് എ വാസു. എരഞ്ഞിമാവില്‍ ഗെയില്‍ വിരുദ്ധ സമരകേന്ദ്രം സന്ദര്‍ശിച്ച് സംസാരിക്കുകയായിരുന്നു അദ്ദേഹം. കേന്ദ്ര സര്‍ക്കാരിന്റെ സവര്‍ണ ഫാഷിസ്റ്റ് പ്രീണന നയത്തിന്റെ ഭാഗമായാണ് അവര്‍ കോര്‍പറേറ്റുകളെ സഹായിക്കുന്നത്. എന്നാല്‍ സോഷ്യലിസവും കമ്മ്യൂണിസവും പറയുന്നവര്‍ നയിക്കുന്ന കേരള സര്‍ക്കാര്‍ ഗെയ്ല്‍ കുത്തകകള്‍ക്കായി അധികാരമുപയോഗിച്ച് പാവപ്പെട്ടവനെ വഴിയാധാരമാക്കുന്നത് എന്തിനാണ്.  അധികാരവുമുപയോഗിച്ച് ജനങ്ങളെ ദ്രോഹിക്കുന്നവരുടെ സ്ഥാനം ചവറ്റുകൊട്ടയിലായിരിക്കും. ജനകീയ സമരങ്ങളെ അടിച്ചമര്‍ത്തുന്ന സര്‍ക്കാര്‍ ശ്രമം അനുവദിക്കില്ല. കോര്‍പറേറ്റുകളെ സഹായിക്കുന്ന ഭരണം അധികകാലം നിലനില്‍ക്കില്ലെന്നും അദ്ദേഹം പറഞ്ഞു. സമരസമിതിയുടെ നേതൃത്വത്തില്‍ പദ്ധതി പ്രദേശത്തേക്ക് നിരവധി പേര്‍ പങ്കെടുത്ത മാര്‍ച്ചും നടന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക