|    Jan 19 Thu, 2017 10:44 pm
FLASH NEWS

ജനകീയ കൂട്ടായ്മയില്‍ യുവാവിനും കുടുംബത്തിനും സ്‌നേഹവീടൊരുങ്ങുന്നു

Published : 8th March 2016 | Posted By: SMR

സുല്‍ത്താന്‍ ബത്തേരി: കരള്‍ രോഗം ബാധിച്ച യുവാവിനും കുടുംബത്തിനും ജനകീയ കൂട്ടായ്മ സ്‌നേഹവീടൊരുക്കുന്നു. കൊളഗപ്പാറ കുയിലംപള്ളിയില്‍ സുരേഷിനും കുടുംബത്തിനുമാണ് പ്രദേശവാസികള്‍ ചേര്‍ന്ന് വീട് നിര്‍മിക്കുന്നത്. മേല്‍ക്കൂരയുടെ വാര്‍പ്പ് കഴിഞ്ഞെങ്കിലും തുടര്‍ നിര്‍മാണ പ്രവര്‍ത്തനങ്ങള്‍ക്കും സുരേഷിന്റെ ചികില്‍സയ്ക്കും പണം കണ്ടെത്താനാവാതെ ഉദാരമതികളുടെ സഹായം തേടുകയാണ് ഈ കൂട്ടായ്മ.
പ്രായമായ അമ്മയും ഭാര്യയും രണ്ടു മക്കളും അടങ്ങുന്ന കുടുംബത്തിന്റെ ഏക ആശ്രയമായിരുന്നു സുരേഷ്. മൂന്നു വര്‍ഷം മുമ്പാണ് കരള്‍ രോഗം ബാധിച്ചത്. തുടര്‍ന്ന് ഭൂമിയും മറ്റും വിറ്റ് ചികില്‍സ നടത്തിയെങ്കിലും കാര്യമായ ശമനം ഉണ്ടായില്ല. ആറു സെന്റിലെ കൂരയ്ക്കുള്ളില്‍ മരണത്തെ മുഖാമുഖം കണ്ട ഈ യുവാവിന്റെ ദയനീയാവസ്ഥ അറിഞ്ഞ് പ്രദേശവാസികള്‍ ചേര്‍ന്നു രൂപീകരിച്ച കമ്മിറ്റി സുരേഷിന്റെ ചികില്‍സയും വീട് നിര്‍മാണവും ഏറ്റെടുക്കുകയായിരുന്നു. വീടിന്റെ തുടര്‍ പ്രവൃത്തികള്‍ പൂര്‍ത്തിയാക്കാന്‍ ലക്ഷ്യമിടുന്നുണ്ടെങ്കിലും ആവശ്യമായ തുക കണ്ടെത്താന്‍ കഴിയാത്ത അവസ്ഥയിലാണ് കമ്മിറ്റി. ഈ സാഹചര്യത്തില്‍ ഈ കുടംബത്തെ സഹായിക്കാന്‍ ഉദാരമതികള്‍ തയ്യാറാവണമെന്നാണ് കമ്മിറ്റി ഭാരവാഹികളുടെ അഭ്യര്‍ഥന.

Share on FacebookShare on Google+Tweet about this on TwitterShare on LinkedIn
(Visited 52 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക