|    Dec 18 Tue, 2018 11:04 pm
FLASH NEWS
Home   >  Todays Paper  >  Page 4  >  

ചോദ്യപേപ്പര്‍ മാറി നല്‍കിയെന്ന പരാതി തട്ടിപ്പെന്ന് സിബിഎസ്ഇ

Published : 30th April 2018 | Posted By: kasim kzm

കോട്ടയം: സിബിഎസ്ഇ 10ാം ക്ലാസ് കണക്ക് പരീക്ഷയുടെ ചോദ്യപേപ്പര്‍ മാറിനല്‍കിയെന്ന പരാതി വാസ്തവമല്ലെന്ന് സിബിഎസ്ഇ ഹൈക്കോടതിയില്‍ സത്യവാങ്മൂലം നല്‍കി. കോട്ടയം മൗണ്ട് കാര്‍മല്‍ വിദ്യാനികേതന്‍ സ്‌കൂളിലെ അമീയ സലിമിന് 10ാം ക്ലാസിലെ കണക്ക് പരീക്ഷയുടെ ചോദ്യപേപ്പര്‍ മാറിക്കിട്ടിയെന്ന പരാതിയിലാണ് സിബിഎസ്ഇ നിലപാട് വ്യക്തമാക്കിയത്.
2016ല്‍ അമീയയുടെ സഹോദരന്‍ എഴുതിയ കണക്ക് പരീക്ഷയുടെ ചോദ്യപേപ്പറുമായെത്തി അമീയ പരീക്ഷ എഴുതിയതാവാമെന്ന നിലപാടിലാണ് സിബിഎസ്ഇ. മാര്‍ച്ച് 28ന് നടത്തിയ സിബിഎസ്ഇ കണക്ക് പരീക്ഷയില്‍ തനിക്ക് 2016ലെ ചോദ്യപേപ്പറാണ് കിട്ടിയതെന്ന് കാട്ടി കുമ്മനം സ്വദേശിനിയായ അമീയ സലിം ഹൈക്കോടതിയില്‍ ഹരജി നല്‍കിയിരുന്നു.
കണക്ക് പരീക്ഷയില്‍ ചോദ്യപേപ്പര്‍ മാറിക്കിട്ടിയ വിദ്യാര്‍ഥിനിക്ക് മാത്രമായി പുനപ്പരീക്ഷ നടത്താനായിരുന്നു കോടതി ഉത്തരവ്്. ഈ സാഹചര്യത്തില്‍ സിബിഎസ്ഇയുടെ അസിസ്റ്റന്റ് സെക്രട്ടറി കോട്ടയത്തെ സ്‌കൂളിലും പരാതിക്കാരിയെയും സമീപിച്ച് അന്വേഷണം നടത്തിയിരുന്നു. ഇതിന്റെ അടിസ്ഥാനത്തിലാണ് ഇപ്പോള്‍ ഹൈക്കോടതിയില്‍ സത്യവാങ്മൂലം നല്‍കിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss