|    Apr 19 Thu, 2018 5:24 pm
FLASH NEWS
Home   >  Todays Paper  >  page 9  >  

ചൈനീസ് വൈസ് പ്രസിഡന്റ് ചൊവ്വാഴ്ച ഇന്ത്യയിലെത്തുന്നു

Published : 1st November 2015 | Posted By: SMR

ബെയ്ജിങ്: ചൈനീസ് വൈസ് പ്രസിഡന്റ് ലി യുവാന്‍ചോ അടുത്തയാഴ്ച ഇന്ത്യ സന്ദര്‍ശിക്കും. അഞ്ചു ദിവസത്തെ സന്ദര്‍ശനത്തിനായി ലി നവംബര്‍ മൂന്നിന് ഇന്ത്യയിലെത്തും.
കഴിഞ്ഞ മെയ് മാസത്തില്‍ ഇന്ത്യന്‍ പ്രധാനമന്ത്രി നരേന്ദ്ര മോദി ചൈനയില്‍ സന്ദര്‍ശനം നടത്തിയിരുന്നു. ഉപപ്രധാനമന്ത്രി മുഹമ്മദ് ഹാമിദ് അന്‍സാരിയുടെ ക്ഷണത്തെത്തുടര്‍ന്നാണ് സന്ദര്‍ശനമെന്ന് ചൈനീസ് വിദേശകാര്യ മന്ത്രാലയവക്താവ് ലു കാങ് പറഞ്ഞു.
ഇരു രാജ്യങ്ങളും തമ്മിലുള്ള മറ്റൊരു പ്രധാനപ്പെട്ട ചര്‍ച്ചയായിരിക്കുമിതെന്നും ഉഭയകക്ഷി ബന്ധത്തിന് ആക്കം കൂട്ടാന്‍ ചര്‍ച്ച വഴിയൊരുക്കുമെന്നും അദ്ദേഹം കൂട്ടിച്ചേര്‍ത്തു. ചൈനയുടെ ദേശീയ സമാന്തരസൈന്യമായ സെന്‍ട്രല്‍ മിലിറ്ററി കമ്മീഷനിലെ വൈസ് ചെയര്‍മാന്‍ ഫാന്‍ ചാങ്‌ലോങും അടുത്തയാഴ്ച ഇന്ത്യയിയിലെത്തും.
ഈ മാസമാദ്യം ചൈനയിലെ കുന്‍മിങില്‍ ഇരു രാജ്യങ്ങളും സംയുക്തമായി നടത്തിയ തീവ്രവാദ വിരുദ്ധ സൈനികാഭ്യാസത്തിനു പിന്നാലെയാണ് സൈനികോദ്യോഗസ്ഥന്റെ ഇന്ത്യാ സന്ദര്‍ശനം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss