|    Mar 28 Tue, 2017 11:45 am
FLASH NEWS

ചൈനീസ് തടങ്കല്‍ ഹോങ്കോങിലെ പുസ്തകവ്യാപാരി തിരിച്ചെത്തി

Published : 15th June 2016 | Posted By: SMR

ഹോങ്കോങ്: ചൈനീസ് നേതാക്കളെ വിമര്‍ശിക്കുന്ന പുസ്തകം പ്രസിദ്ധീകരിച്ചതിനെ തുടര്‍ന്ന് കാണാതായ ഹോങ്കോങിലെ പുസ്തകവ്യാപാരികളില്‍ നാലാമന്‍ തിരിച്ചെത്തി. ആറുമാസം മുമ്പായിരുന്നു ഇയാളെ കാണാതായത്. കേസ്വേ ബേ ബുക്‌ഷോപ്പ് എന്ന സ്ഥാപനത്തില്‍ നിന്നുള്ള അഞ്ച് പേരെയായിരുന്നു കാണാതായത്.

ഇവര്‍ ചൈനയില്‍ പോലിസ് കസ്റ്റഡിയിലുള്ളതായി പിന്നീട് വിവരം ലഭിച്ചിരുന്നു. ഇതില്‍ ലാം വിങ് കീ എന്ന പുസ്തക വ്യാപാരിയാണ് ഇന്നലെ തിരിച്ചെത്തിയതെന്ന് ഹോങ്കോങ് പോലിസ് അറിയിച്ചു. തന്നെ കാണാതായ കേസ് റദ്ദാക്കണമെന്നും തനിക്ക് ഹോങ്കോങ് സര്‍ക്കാരില്‍ നിന്ന് ഒരു സഹായവും വേണ്ടെന്നും ഇയാള്‍ പറഞ്ഞതായി പോലിസ് അറിയിച്ചു. തിരോധാനത്തെക്കുറിച്ചുള്ള വിവരങ്ങള്‍ വെളിപ്പെടുത്തുന്നതിനും ഇയാള്‍ വിസമ്മതിച്ചു.
ഗ്വി മിന്‍ഹായ് എന്ന അഞ്ചാമത്തെ പുസ്തകവ്യാപാരി ഇപ്പോഴും ചൈനയില്‍ തടവിലാണ്. ചൈനയില്‍ നിരോധിച്ച പുസ്തകം നിയമവിരുദ്ധമായി വില്‍പന നടത്തിയെന്ന് ആരോപിച്ചാണ് ഇവരെ തടവിലിട്ടിരുന്നത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day