|    Oct 22 Mon, 2018 11:54 pm
FLASH NEWS
Home   >  Kerala   >  

ചെറുപുഴയില്‍ കോണ്‍ഗ്രസ് പ്രവര്‍ത്തകന് നേരെ സി പി എം പ്രവര്‍ത്തകരുടെ ആക്രമണം

Published : 19th March 2018 | Posted By: mi.ptk

ചെറുപുഴ:ചെറുപുഴയില്‍ കോണ്‍ഗ്രസ് പ്രവര്‍ത്തകന് നേരെ സി പി എം പ്രവര്‍ത്തകരുടെ ആക്രമണം. പെട്രോള്‍ പമ്പില്‍ വച്ചു കോണ്‍ഗ്രസ് പ്രവര്‍ത്തകനെ സിപിഎം പ്രവര്‍ത്തകര്‍ ചേര്‍ന്നു മര്‍ദിക്കുന്ന സിസിടിവി ദൃശ്യം പുറത്തായി. ഇന്നലെ ഉച്ചയ്ക്ക് ചെറുപുഴ മേലെ ബസാറിലെ പെട്രോള്‍ പമ്പില്‍ വച്ചാണ് കോണ്‍ഗ്രസ് പ്രവര്‍ത്തകനായ താബോറിലെ പനന്താനത്ത് ജോബിക്ക് മര്‍ദനമേറ്റത്. ജോബി ജീപ്പില്‍ കുന്നുംകൈയിലേക്ക് ഓട്ടം പോയതായിരുന്നു. പെട്രോള്‍ അടിക്കാന്‍ പമ്പില്‍ എത്തിയ ജോബിയെ സിപിഎം പ്രവര്‍ത്തകര്‍ മര്‍ദിക്കുന്ന ദൃശ്യമാണ് പുറത്തായത്.

ഡ്രൈവിങ് സീറ്റില്‍ ഇരുന്ന ജോബിയെ കൈകൊണ്ട് അടിക്കുന്നതിന്റെയും ചവിട്ടുന്നതിന്റെയും ദൃശ്യങ്ങളാണ് പ്രചരിക്കുന്നത്. മര്‍ദനമേറ്റ ജോബി ചെറുപുഴ പൊലീസില്‍ പരാതി നല്‍കി. സിപിഎം ലോക്കല്‍ കമ്മിറ്റിയംഗം അരുണ്‍ പ്രോം ,ഡി വൈ എഫ് ഐ നേതാക്കളായ സോണി, രാജേഷ് മറ്റ് കണ്ടാല്‍ അറിയാവുന്നവരുടെ പേരിലാണ് പരാതി കൊടുത്തത്. കഴിഞ്ഞ ദിവസം കാര്‍ഷിക വികസന ബാങ്കിന്റെ ചെറുപുഴ ശാഖയില്‍ നടന്ന ഭൂമി ലേലത്തിനെതിരെയുള്ള ഉപരോധസമരത്തില്‍ ജോബി പങ്കെടുത്തിരുന്നു. അന്നു ബാങ്ക് ജീവനക്കാരനുമായി ഉന്തും തള്ളും ഉണ്ടായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss