|    Jan 21 Sun, 2018 10:30 pm
FLASH NEWS

ചെറായി ബീച്ചിലെ കൈയേറ്റങ്ങള്‍ പൊളിച്ചുനീക്കി

Published : 13th January 2018 | Posted By: kasim kzm

വൈപ്പിന്‍: ചെറായി ബീച്ചില്‍ പുറമ്പോക്ക് ഭൂമിയില്‍ അനധികൃതമായി കെട്ടിയുണ്ടാക്കിയ കൈയേങ്ങള്‍ പൊളിച്ചുനീക്കി. ജില്ലാ ഭരണകൂടത്തിന്റെ നിര്‍ദേശപ്രകാരം കൊച്ചി താലൂക്ക് തഹസില്‍ദാര്‍ കെ വി അംബ്രോസിന്റെ നേതൃത്വത്തില്‍ പത്തോളം വരുന്ന റവന്യൂ ഉദ്യോഗസ്ഥരുടെ സാന്നിധ്യത്തില്‍ ജെസിബി ഉപയോഗിച്ചാണ് ഷെഡുകള്‍ പൊളിച്ച് നീക്കിയത്. ഒരു പട്ടികജാതി സംഘടന ബീച്ചില്‍ നേരത്തെ തന്നെ അംബേദ്കറിന്റെ പ്രതിമ സ്ഥാപിച്ച് കുറച്ചു സ്ഥലം വളച്ചുകെട്ടി— ഇവിടെ ഷെഡ് സ്ഥാപിച്ചിരുന്നു. ഷെഡിനു പകരം സ്ഥിരം നിര്‍മിതി ആരംഭിച്ചപ്പോള്‍ അധികൃതര്‍ തടസ്സപ്പെടുത്തി. അങ്ങനെയെങ്കില്‍ ബീച്ചിലെ മറ്റു കൈയേറ്റങ്ങളും ഒഴിപ്പിക്കണമെന്ന ആവശ്യം ഉയര്‍ന്നതോടെയാണ് മറ്റു കൈയേറ്റ നിര്‍മിതികളും ഒഴിപ്പിച്ചത്.ഡെപ്യൂട്ടി— തഹസില്‍ദാര്‍മാരായ സി എക്‌സ് ജെറോം, പി എ സെബാസ്റ്റ്യന്‍, അഗസ്റ്റിന്‍ സര്‍വേയര്‍ സുരേഷ്, വില്ലേജ് ഓഫിസര്‍മാരായ ലീന, ഷീന തുടങ്ങിയവര്‍ പൊലീസ് സന്നാഹത്തോടെ എത്തിയാണ് നടപടികള്‍ നടത്തിയത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day