|    Nov 24 Fri, 2017 2:05 am
FLASH NEWS
Home   >  Todays Paper  >  page 11  >  

ചെന്നൈ സൂപ്പര്‍കിങ്‌സില്‍ കളിക്കാന്‍ ആഗ്രഹം: ദിനേഷ് കാര്‍ത്തിക്‌

Published : 5th August 2017 | Posted By: fsq

 

ചെന്നൈ:  വരാനിരിക്കുന്ന ഐപിഎല്‍ സീസണില്‍ ചെന്നൈ സൂപ്പര്‍കിങ്‌സിനായി കളിക്കാന്‍ കഴിയുമെന്ന് പ്രതീക്ഷിക്കുന്നതായി ഇന്ത്യന്‍ താരം ദിനേഷ് കാര്‍ത്തിക്. രണ്ടു വര്‍ഷത്തെ വിലക്കിന് ശേഷം 2018 ലെ ഐപിഎല്‍സീസണില്‍ ചെന്നൈ സൂപ്പര്‍ കിങ്‌സ് വീണ്ടും മല്‍സരിക്കാനുള്ള നടപടികള്‍ തുടങ്ങിയ സാഹചര്യത്തിലാണ് 32 കാരനും തമിഴ്‌നാട് സ്വദേശിയുമായ വിക്കറ്റ്കീപ്പര്‍ ബാറ്റ്‌സ്മാന്‍ തന്റെ ആഗ്രഹം തുറന്നു പറഞ്ഞത്. 2008 മുതല്‍ തന്നെ വിവിധ ടീമുകളിലായി ഐപിഎല്ലിലെ  നിറ സാന്നിധ്യമായ ദിനേഷ് കാര്‍ത്തിക് ഡല്‍ഹി ഡെയര്‍ഡെവിള്‍സ്, മുംബൈ ഇന്ത്യന്‍സ്, കിങ്‌സ് ഇലവന്‍ പഞ്ചാബ്, ബംഗളൂരു ടീമുകളില്‍ കളിച്ചിട്ടുണ്ടെങ്കിലും ചെന്നൈ ജേഴ്‌സി അണിയാന്‍ അവസരം ലഭിച്ചിരുന്നില്ല. 2018 ല്‍ നടക്കുന്ന 11ാം സീസണില്‍ ഇതിനായുള്ള തന്റെ കാത്തിരിപ്പ് അവസാനിക്കുമെന്ന പ്രതീക്ഷയിലാണ് താരം. ചെന്നൈ തന്റെ ഹോം ടീമാണ്. അടുത്തതവണ താരലേലം കഴിയുമ്പോള്‍ ചെന്നൈ ടീമിലുണ്ടാവുമെന്നും ദിനേഷ് കാര്‍ത്തിക് പ്രതികരിച്ചു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക