|    Sep 21 Thu, 2017 10:37 am
Home   >  Todays Paper  >  page 11  >  

ചെന്നൈ വിജയവഴിയില്‍ തിരിച്ചെത്തി

Published : 25th October 2015 | Posted By: SMR

ചെന്നൈ: ശക്തരായ പൂനെ സിറ്റിയെ വീഴ്ത്തി ചെന്നൈയ്ന്‍ എഫ്‌സി ഐഎസ്എല്ലില്‍ വിജയവഴിയില്‍ തിരിച്ചെത്തി. ഇന്നലെ നടന്ന മല്‍സരത്തില്‍ ഒന്നിനെതിരേ രണ്ടു ഗോളുകള്‍ക്കാണ് പൂനെയെ ചെന്നൈ പരാജയപ്പെടുത്തിയത്.
ഫ്രാന്‍സ് ഡിഫന്‍ഡര്‍ ബെര്‍ണാണ്ട് മെന്‍ഡി (34ാം മിനിറ്റ്), കൊളംബിയന്‍ സ്‌ട്രൈക്കര്‍ സ്റ്റീവന്‍ മെന്‍ഡോസ (48) എന്നിവരാണ് സ്വന്തം തട്ടകത്തില്‍ ചെന്നൈക്കു വേണ്ടി ലക്ഷ്യംകണ്ടത്. ആറു മല്‍സരങ്ങളില്‍ നിന്ന് ആറു ഗോളുകളുമായി മെന്‍ഡോസ ഗോള്‍വേട്ടയില്‍ മുന്നേറുകയാണ്.
എന്നാല്‍, മെന്‍ഡിയുടെ കന്നി ഐഎസ്എല്‍ ഗോളായിരുന്നു ഇന്നലത്തേത്. പൂനെയുടെ ആശ്വാസ ഗോള്‍ 75ാം മിനിറ്റില്‍ നൈജീരിയന്‍ സ്‌ട്രൈക്കര്‍ കാലു ഉച്ചയുടെ വകയായിരുന്നു.
ജയത്തോടെ ചെന്നൈ പോയിന്റ് പട്ടികയില്‍ രണ്ടാംസ്ഥാനത്തേക്ക് മുന്നേറിയപ്പോള്‍ പൂനെ മൂന്നാംസ്ഥാനത്തേക്ക് പിന്തള്ളപ്പെട്ടു. എഫ്‌സി ഗോവയാണ് ഒന്നാമത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക