|    Nov 15 Thu, 2018 3:45 pm
FLASH NEWS

ചെങ്ങളായിയില്‍ ലീഗ്- ആര്‍എസ്എസ് സംഘര്‍ഷം

Published : 18th April 2018 | Posted By: kasim kzm

ശ്രീകണ്ഠപുരം: ചെങ്ങളായിയില്‍ ഹര്‍ത്താല്‍ ദിവസമുണ്ടായ സംഘര്‍ഷത്തില്‍ മൂന്ന് മുസ്്‌ലിം ലീഗ് പ്രവര്‍ത്തകര്‍ക്കും ആര്‍എസ്എസുകാരനും പരിക്കേറ്റു. കഴിഞ്ഞ ദിവസം വൈകീട്ടാണ് സംഭവം. ഹര്‍ത്താല്‍ വിജയിപ്പിച്ചതിന് നന്ദിയര്‍പ്പിച്ച് ഒരുസംഘം യുവാക്കള്‍ പ്രകടനം നടത്തിയിരുന്നു.
ഇതിനിടെ മുക്കാടത്തുവച്ച് ആര്‍എസ്എസ് പ്രവര്‍ത്തകനായ കോയാടന്‍ കോറോത്ത് ശാംകുമാറിന്(26) മര്‍ദനമേറ്റു. ഇയാളെ പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. അക്രമത്തില്‍ പ്രതിഷേധിച്ച് ചെങ്ങളായി ടൗണില്‍ ആര്‍എസ്എസ് പ്രകടനം നടത്തി. ഇതിനിടയിലാണ് മുസ്്‌ലിം ലീഗ് പ്രവര്‍ത്തകര്‍ക്കുനേരെ അക്രമം ഉണ്ടായത്. പരിക്കേറ്റ മുക്കാളത്ത് മുബഷിര്‍ (24), നടുവിലകത്ത് ജസീല്‍ (23), അയ്യാരകത്ത് ഫഹീം (21) എന്നിവരെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു. ഹരിത ക്ലബ് ഓഫിസ് ആക്രമിക്കുകയും ചെയ്തു. ഇന്നലെ ചെങ്ങളായി ടൗണില്‍ ഹര്‍ത്താല്‍ ആചരിക്കാന്‍ ബിജെപി-ആര്‍എസ്എസ് ആഹ്വാനം ചെയ്തിരുന്നു. എന്നാല്‍ വ്യാപാരികള്‍ കടകള്‍ തുറന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss