|    Jan 21 Sat, 2017 10:00 am
FLASH NEWS

ചുംബനത്തെരുവ് റിപോര്‍ട്ട് ചെയ്യാനെത്തിയ തേജസ് ലേഖകന് പോലിസ് മര്‍ദ്ദനം

Published : 2nd January 2016 | Posted By: SMR

കോഴിക്കോട്: ചുംബനത്തെരുവ് പരിപാടി റിപോര്‍ട്ട് ചെയ്യാനെത്തിയ തേജസ് കോഴിക്കോട് ലേഖകന്‍ പി അനീബിന് ടൗണ്‍ പോലിസിന്റെ ക്രൂര മര്‍ദ്ദനം. രാവിലെ സെന്‍ട്രല്‍ ലൈബ്രറി പരിസരത്തു നിന്ന് കസ്റ്റഡിയിലെടുത്ത അനീബിനെ സ്‌റ്റേഷനില്‍ എത്തിച്ചാണ് പോലിസ് ക്രൂരമായി മര്‍ദ്ദിച്ചത്. പോലിസ് ഉദ്യോഗസ്ഥനെ കൈയേറ്റം ചെയ്തു എന്നാരോപിച്ചായിരുന്നു മര്‍ദ്ദനം.
പരിപാടി റിപോര്‍ട്ട് ചെയ്യാന്‍ അനീബ് സമര വേദിയില്‍ എത്തുമ്പോള്‍ ഹനുമാന്‍ സേന പ്രവര്‍ത്തകര്‍ ഭിന്നശേഷിക്കാരനും കവിയുമായ അജിത് എം പച്ചനാടിനെ മര്‍ദ്ദിക്കുകയായിരുന്നു. ഇതു തടയാനെത്തിയ സ്ത്രീകള്‍ ഉള്‍പ്പെടെയുള്ള ഞാറ്റുവേല പ്രവര്‍ത്തകരെ ഹനുമാന്‍ സേനക്കാരും മഫ്ടി പോലിസും കൈയേറ്റം ചെയ്യുന്നത് ചോദ്യം ചെയ്തതിനാണ് അനീബിനെ കസ്റ്റഡിയില്‍ എടുത്തതും സ്റ്റേഷനില്‍ കൊണ്ടുപോയി മര്‍ദ്ദിച്ചതും.
ഞാറ്റുവേല പ്രവര്‍ത്തകരെ മര്‍ദ്ദിക്കുന്നത് പോലിസ് ഉദ്യോഗസ്ഥനാണ് എന്ന് അറിയാതെയാണ് അനീബ് തടയാനെത്തിയത്. ഹനുമാന്‍ സേന പ്രവര്‍ത്തകര്‍ക്കൊപ്പം സ്റ്റേഷനിലെത്തിച്ച തന്നെ പോലിസുകാര്‍ കൂട്ടം ചേര്‍ന്ന് മര്‍ദ്ദിക്കുകയായിരുന്നു എന്ന് അനീബ് മാധ്യമ പ്രവര്‍ത്തകരോട് പറഞ്ഞു. തന്നേയും നവ മാധ്യമ പ്രവര്‍ത്തകരായ വിജിത്ത്, ശരത് എന്നിവരേയും സ്റ്റേഷനില്‍ വച്ച് മര്‍ദ്ദിക്കുമ്പോള്‍ ഹനുമാന്‍ സേന പ്രവര്‍ത്തകര്‍ കേരള പോലിസ് സിന്ദാബാദ് എന്ന് മുദ്രാവാക്യം വിളിച്ച് മര്‍ദ്ദിക്കുന്നവരെ പ്രോല്‍സാഹിപ്പിച്ചതായും അനീബ് പറഞ്ഞു.
പിന്നീട്, എസിപിയുടെ മുന്നില്‍ ഹാജരാക്കിയതായും തന്നെയും കുടുംബത്തേയും ശരിയാക്കുമെന്ന് എസിപി ഭീഷണിപ്പെടുത്തിയതായും അനീബ് പറഞ്ഞു. മഫ്ടിയില്‍ ഉണ്ടായിരുന്ന സിവില്‍ പോലിസ് ഓഫിസര്‍ ആഷിഖിനെ ഔദ്യോഗിക കൃത്യനിര്‍വഹണത്തിനിടയില്‍ കൈയേറ്റം ചെയ്തു എന്ന പരാതിയില്‍ അനീബിനെതിരെ കേസ് എടുത്ത് കോടതിയില്‍ ഹാജരാക്കി. കോടതി അനീബിനെ കോഴിക്കോട് സബ് ജയിലില്‍ റിമാന്‍ഡ് ചെയ്തു.

Share on FacebookShare on Google+Tweet about this on TwitterShare on LinkedIn
(Visited 118 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക