|    May 26 Fri, 2017 4:37 pm
FLASH NEWS

ചില എഴുത്തുകാര്‍ ബഹുമതികള്‍ തിരിച്ചുവാങ്ങും: സാഹിത്യ അക്കാദമി

Published : 23rd January 2016 | Posted By: SMR

ന്യൂഡല്‍ഹി: നയന്‍താര സെഹ്ഗാള്‍ അടക്കമുള്ള ചില സാഹിത്യകാരന്മാര്‍ മടക്കിയ ബഹുമതികള്‍ തിരിച്ചുവാങ്ങാന്‍ തയ്യാറായതായി കേന്ദ്രസാഹിത്യ അക്കാദമി.
എം എം കല്‍ബുര്‍ഗിയുടെ കൊലപാതകത്തിലും രാജ്യത്ത് വളര്‍ന്നുവരുന്ന അസഹിഷ്ണുതയിലും സാഹിത്യ അക്കാദമി നിസ്സംഗത പാലിച്ചതില്‍ പ്രതിഷേധിച്ച് 40 ഓളം സാഹിത്യകാരന്മാര്‍ അവരുടെ ബഹുമതികള്‍ തിരിച്ചേല്‍പിച്ചിരുന്നു. ഇവരില്‍ 10 പേര്‍ ബഹുമതി സ്വീകരിക്കാ ന്‍ തയ്യാറായതായി അക്കാദമി പ്രസിഡന്റ് വിശ്വനാഥ് പ്രസാദ് തിവാരി അറിയിച്ചു. നയന്‍താര സെഹ്ഗാളിന്റെ ബഹുമതി അക്കാദമി അവര്‍ക്ക് തിരിച്ചയച്ചിട്ടുണ്ട്. നന്ദ് ഭരദ്വാജും അവാര്‍ഡ് തിരികെ സ്വീകരിക്കാന്‍ തയ്യാറായിട്ടുണ്ടെന്നും അദ്ദേഹം അറിയിച്ചു.
അക്കാദമിയുടെ ഭരണഘടനയില്‍ ബഹുമതികള്‍ തിരിച്ചേല്‍പിക്കാന്‍ വ്യവസ്ഥയില്ലെന്ന് അക്കാദമി എഴുത്തുകാരെ അറിയിച്ചിട്ടുണ്ട്. ഒക്ടോബറില്‍ അക്കാദമി ഐകകണ്‌ഠേന പാസ്സാക്കിയ പ്രമേയവും അയച്ചിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day