|    Sep 24 Mon, 2018 12:31 am
FLASH NEWS

ചിന്നക്കനാല്‍ മേഖലയില്‍ താവളമുറപ്പിച്ച് കാട്ടാനക്കൂട്ടം

Published : 24th May 2018 | Posted By: kasim kzm

ചിന്നക്കനാല്‍: 25 വയസ്സുള്ള പിടിയാനയെ ചരിഞ്ഞ നിലയില്‍ കണ്ടെത്തിയ ചിന്നക്കനാല്‍ മേഖലയില്‍ കാട്ടാനക്കൂട്ടം താവളമുറപ്പിച്ചത് ഭീതി പരത്തുന്നു. കഴിഞ്ഞയാഴ്ചയാണ് ചിന്നക്കനാല്‍ മരപ്പാലത്തിനു സമീപം മൂന്നു ദിവസം പഴക്കമുള്ള കാട്ടാനയുടെ ജഡം നാട്ടുകാരും വനപാലകരും ചേര്‍ന്നു കണ്ടെത്തിയത്.
ചിന്നക്കനാല്‍ ടൗണിലിറങ്ങിയ കുട്ടിയാനയുടെ അമ്മയുടേതാണ് ജഡമെന്നു പിന്നീട് തിരിച്ചറിഞ്ഞിരുന്നു. കുട്ടിയാനയെ കഴിഞ്ഞ ദിവസം കോട്ടൂര്‍ ആനവളര്‍ത്തല്‍ കേന്ദ്രത്തിലേക്ക് കൊണ്ടുപോയിരുന്നു. ചരിഞ്ഞ കാട്ടാനയുടെ ജഡം പോസ്റ്റ്‌മോര്‍ട്ടം നടപടികള്‍ക്കുശേഷം വനത്തിനകത്ത് ദഹിപ്പിച്ചു. ഇടിമിന്നലേറ്റതിനെത്തുടര്‍ന്ന് വീണതാകാം ആനയുടെ മരണകാരണമെന്നാണ് പോസ്റ്റ്‌മോര്‍ട്ടം നടത്തിയ വെറ്ററിനറി ഡോക്ടര്‍മാരുടെ വിലയിരുത്തല്‍. ചരിഞ്ഞ അമ്മയാനയ്ക്കും കുട്ടിയാനയ്ക്കും ഒപ്പമുണ്ടായിരുന്ന കാട്ടാനക്കൂട്ടം മേഖലയില്‍ ഭീതി പരത്തി നടക്കുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss