|    Sep 24 Mon, 2018 6:00 am
FLASH NEWS
Home   >  Todays Paper  >  Page 4  >  

ചിത്രലേഖയുടെ വീടുപണി പുനരാരംഭിച്ചു

Published : 11th April 2018 | Posted By: kasim kzm

കണ്ണൂര്‍: ദലിത് വനിതാ ഓട്ടോ ഡ്രൈവര്‍ ചിത്രലേഖയ്ക്കു കഴിഞ്ഞ യുഡിഎഫ് സര്‍ക്കാര്‍ അനുവദിച്ച ഭൂമി തിരിച്ചുപിടിക്കാന്‍ എല്‍ഡിഎഫ് സര്‍ക്കാര്‍ ഉത്തരവിറക്കിയിരിക്കെ അഞ്ചു സെന്റില്‍ വീടുപണി പുനരാരംഭിച്ചു. ഇന്നലെ സണ്‍ഷേഡ് വാര്‍പ്പ് നടത്തി. പ്രവൃത്തി വീക്ഷിക്കാന്‍ സ്ഥലം എംഎല്‍എ കെ എം ഷാജിയുടെ പിഎ അറഫാത്തും യൂത്ത് കോണ്‍ഗ്രസ് നേതാക്കളും കാട്ടാമ്പള്ളിയിലെത്തി. പ്രവാസി മലയാളികളുടെ കൂട്ടായ്മയായ ഗ്രീന്‍ വോയ്‌സിന്റെ സഹായത്തോടെയാണു നിര്‍മാണം.
സിപിഎമ്മിന്റെ ജാതിവിവേചനത്തിനെതിരേ ഒറ്റയാള്‍ പോരാട്ടം നടത്തുന്ന ചിത്രലേഖ പാര്‍ട്ടിഗ്രാമത്തിലെ ബഹിഷ്‌കരണത്തെ തുടര്‍ന്നാണു പയ്യന്നൂര്‍ എടാട്ടു നിന്ന് ചിറക്കല്‍ പഞ്ചായത്തിലെ കാട്ടാമ്പള്ളിയില്‍ എത്തിയത്. ഭൂമി തിരിച്ചുപിടിക്കാനുള്ള നീക്കത്തെ നിയമപരമായി ചെറുക്കുമെന്നു ചിത്രലേഖ പറഞ്ഞു. റവന്യൂ അഡീഷനല്‍ ചീഫ് സെക്രട്ടറി ഉത്തരവിറക്കിയതല്ലാതെ തുടര്‍ നടപടികള്‍ ഉണ്ടായിട്ടില്ല. സര്‍ക്കാര്‍ നീക്കം തടയുമെന്നു യുഡിഎഫും ബിജെപിയും പ്രഖ്യാപിച്ചിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss