|    Jun 19 Tue, 2018 4:18 pm
FLASH NEWS

ചിത്രകാരന്റെ മൃതദേഹത്തോടുള്ള ഫാഷിസ്റ്റ് അവഹേളനം; കലാകാരന്‍മാര്‍ പ്രതിഷേധിച്ചു

Published : 2nd February 2018 | Posted By: kasim kzm

കോഴിക്കോട്: ചിത്രകാരന്‍ അശാന്തന്റെ മൃതദേഹം എറണാകുളം ദര്‍ബാര്‍ഹാളില്‍ പ്രദര്‍ശിപ്പിക്കുന്നതിനെതിരെയുണ്ടായ ഫാഷിസ്റ്റ് ധിക്കാരത്തില്‍ പ്രതിഷേധിച്ച് കോഴിക്കോട്ട് കലാകാരന്‍മാരുടെ പ്രതിഷേധം. എറണാകുളത്തപ്പന്‍ ക്ഷേത്രത്തിന് സമീപമുള്ള ദര്‍ബാര്‍ ഹാളില്‍ മൃദദേഹം വയ്ക്കുന്നത് ആചാരപ്രകാരം ശരിയല്ലെന്ന് പറഞ്ഞാണ് ഒരു വിഭാഗം ഭീഷണി മുഴക്കിയത്. തുടര്‍ന്ന് പോലിസും ജില്ലാ കലക്ടറുമെത്തി പൊതുദര്‍ശനത്തിന് ദര്‍ബാര്‍ഹാളിനു മുന്നില്‍ ഒരുക്കിയ പന്തലും ഒരുക്കങ്ങളും ഒഴിവാക്കാനും പ്രധാന കവാടത്തിലൂടെ പ്രവേശിപ്പിക്കാതിരിക്കാനും ഒത്തുതീര്‍പ്പുണ്ടാക്കുകയായിരുന്നു. കോഴിക്കോട് ലളിതകലാ അക്കാദമി ആര്‍ട്ട്ഗാലറി പരിസരത്ത് നടന്ന പ്രതിഷേധത്തില്‍ പോള്‍ കല്ലാനോട്, സുനില്‍ അശോകപുരം, അനില്‍ കുമാര്‍ തിരുവോത്ത്, കെ എ സെബാസ്റ്റ്യന്‍, സജിലന്‍, മുഖ്താര്‍ ഉദരംപൊയില്‍ സംസാരിച്ചു. ഫാഷിസ്റ്റ് പ്രവണതകള്‍ക്കെതിരേ ശക്തമായ പ്രതിരോധം ആവശ്യമാണെന്നും ദലിത് ചിത്രകാരന്റെ മൃതദേഹത്തോട് കാണിച്ച അനാദരവ് പൊറുക്കപ്പെടാത്തതാണെന്നും കലാകാരന്‍മാര്‍ പറഞ്ഞു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss