|    Mar 31 Fri, 2017 12:20 am
FLASH NEWS

ചാവക്കാട്ട് രണ്ടു സ്്കൂളുകളില്‍ മോഷണം

Published : 24th November 2015 | Posted By: SMR

ചാവക്കാട്: രണ്ടു സ്്കൂളുകളില്‍ മോഷണം. ചാവക്കാട് ഗവ. ഹയര്‍ സെക്കന്‍ഡറി സ്‌കൂള്‍, തെട്ടടുത്ത മുക്തി ഇംഗ്ലീഷ് മീഡിയം സ്‌കൂള്‍ എന്നിവിടങ്ങളിലാണ് മോഷണം നടന്നത്. ഇന്നലെ പുലര്‍ച്ചെ ഒന്നോടേയാണ് സംഭവം. ചാവക്കാട് ഗവ. ഹയര്‍സെക്കന്‍ഡറി സ്‌കൂളിന്റെ ഓഫിസ് വാതിലിന്റെ പൂട്ട് തകര്‍ത്ത മോഷ്ടാക്കള്‍ ബോക്‌സില്‍ സൂക്ഷിച്ചിരുന്ന 1500 രൂപ കവര്‍ന്നു. ഓഫിസിലുണ്ടായിരുന്ന മൂന്ന് അലമാരകളും കുത്തിപ്പൊളിച്ചെങ്കിലും ഒന്നും നഷ്ടപ്പെട്ടിട്ടില്ല. ഫയലുകളെല്ലാം വാരിവലിച്ചിട്ട നിലയിലാണ്.
മുക്തി ഇംഗ്ലീഷ് മീഡിയം സ്‌കൂളിന്റെ ഓഫിസ് കുത്തിത്തുറന്ന നിലയിലാണ്. സ്‌കൂള്‍ വാതിലിന്റെ പൂട്ട് തകര്‍ത്ത മോഷ്ടാക്കള്‍ സാധന സാമഗ്രികളും സ്‌കൂള്‍ യൂനിഫോമും വാരിവലിച്ചിട്ട നിലയിലാണ്. സ്‌കൂളിന്റെ മതില്‍ ചാടിക്കടന്ന് അകത്ത് കടന്ന മോഷ്ടാക്കള്‍ ഓഫിസിന്റെയും പ്രിന്‍സിപ്പല്‍ മുറിയുടേയും വാതിലുകളുടെ പൂട്ടുകള്‍ കുത്തിപ്പൊളിച്ചിട്ടുണ്ട്. ചാവക്കാട് പോലിസില്‍ പരാതി നല്‍കി.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day