|    Mar 30 Thu, 2017 10:27 am
FLASH NEWS

ചാവക്കാട്ട് കോണ്‍ഗ്രസ്സില്‍ എ-ഐ ഗ്രൂപ്പ് പ്രവര്‍ത്തനം ശക്തമാവുന്നു

Published : 13th November 2015 | Posted By: SMR

ചാവക്കാട്: തദ്ദേശ തിരഞ്ഞെടുപ്പില്‍ വിജയിച്ച എ ഗ്രൂപ്പ് അംഗങ്ങളെ ഒഴിവാക്കി ഐ ഗ്രൂപ്പ് യോഗം. നഗരസഭയിലേക്ക് തിരഞ്ഞെടുക്കപ്പെട്ട കോണ്‍ഗ്രസ് അംഗങ്ങളെ പരസ്പരം പരിചയപ്പെടുത്തുന്നതിനെന്ന പേരില്‍ കഴിഞ്ഞ ദിവസമാണ് എ ഗ്രൂപ്പ് അംഗങ്ങളെ ഒഴിവാക്കി ഐ ഗ്രൂപ്പ് അംഗങ്ങളുടെ യോഗം വിളിച്ചു ചേര്‍ത്തത്.
നഗരസഭയിലേക്ക് തിരഞ്ഞെടുക്കപ്പെട്ട കോണ്‍ഗ്രസിന്റെ ഒമ്പത് അംഗങ്ങളില്‍ ഐ ഗ്രൂപ്പില്‍പ്പെട്ട ഏഴുപേര്‍ മാത്രമേ യോഗത്തില്‍ പങ്കെടുത്തുള്ളൂ. എ ഗ്രൂപ്പുകാരായ രണ്ട് അംഗങ്ങള്‍ യോഗത്തില്‍ പങ്കെടുത്തില്ല. ഐ ഗ്രൂപ്പ് നേതാവും കെപിസിസി എക്‌സിക്യൂട്ടീവ് കമ്മിറ്റി അംഗമായ പി കെ അബൂബക്കര്‍ ഹാജിയാണ് യോഗം വിളിച്ചു ചേര്‍ത്തതെന്നാണ് എ ഗ്രൂപ്പ് ആരോപണം.
എ ഗ്രൂപ്പ് നേതാവും ചാവക്കാട് മണ്ഡലം കോണ്‍ഗ്രസ് പ്രസിഡന്റുമായ കെ വി ഷാനവാസ് ഉള്‍പ്പെടെയുള്ളവരെ അറിയിക്കാതേയായിരുന്നു യോഗം. ഐ ഗ്രൂപ്പിന്റെ നടപടിക്കെതിരേ കെപിസിസി പ്രസിഡന്റിന് പരാതി നല്‍കാനാണ് എ ഗ്രൂപ്പ് തീരുമാനം.
കോണ്‍ഗ്രസ് നേതാവ് എ സി ഹനീഫയെ കൊലപ്പെടുത്തിയതിനെ തുടര്‍ന്ന് മേഖലയില്‍ ശക്തമായിരുന്ന ഗ്രൂപ്പ് പോര് തിരഞ്ഞെടുപ്പിനോടുബന്ധിച്ച് ശമനമുണ്ടായിരുന്നെങ്കിലും തിരഞ്ഞെടുപ്പിന് ശേഷം വീണ്ടും ശക്തമായത് കോണ്‍ഗ്രസ് പ്രവര്‍ത്തകരില്‍ പ്രതിഷേധമുയര്‍ത്തിയിട്ടുണ്ട്.
ചരിത്രത്തില്‍ ആദ്യമായാണ് ബ്ലോക്ക് കമ്മിറ്റി ഇല്ലാതെ തദ്ദേശ സ്വയം ഭരണ തിരഞ്ഞെടുപ്പിനെ കോണ്‍ഗ്രസ് നേരിട്ടത്. എ സി ഹനീഫ വധത്തെ തുടര്‍ന്നാണ് കേസില്‍ ഗൂഢാലോചന നടത്തിയെന്നാരോപണ വിധേയനായ സി എ ഗോപപ്രതാപന്‍ പ്രസിഡന്റായ ബ്ലോക്ക് കമ്മിറ്റി കെപിസിസി പിരിച്ചു വിട്ടത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day