|    Nov 16 Fri, 2018 10:25 pm
FLASH NEWS
Home   >  Todays Paper  >  Page 4  >  

ചാല മാര്‍ക്കറ്റില്‍ വന്‍ തീപ്പിടിത്തം

Published : 8th March 2018 | Posted By: kasim kzm

തിരുവനന്തപുരം: നഗരത്തിലെ സുപ്രധാന മാര്‍ക്കറ്റായ ചാലയി ല്‍ രാത്രി വന്‍ തീപ്പിടിത്തം. ലക്ഷങ്ങളുടെ നാശനഷ്ടമുണ്ടായി.
ചൊവ്വാഴ്ച രാത്രി 12ഓടെയാണ് ചാല പുതിയ ബൈപാസ് റോഡിലെ ദേവിക ഗാര്‍ഡന്‍സിന് സമീപമുള്ള റോഡില്‍ എസ്‌കെപി ടിമ്പേഴ്‌സിന് സമീപമുള്ള ആക്രിക്കടയില്‍ തീപ്പിടിത്തമുണ്ടായത്. ആക്രിക്കടയുടെ ഗോഡൗണില്‍ കൂട്ടിയിട്ടിരുന്ന വസ്തുക്കള്‍അരമണിക്കൂറിനുള്ളില്‍ പൂര്‍ണമായും കത്തിയമര്‍ന്നു. സംഭവമറിഞ്ഞ് നഗരത്തിലെ ഫയര്‍ ഫോഴ്‌സ് എത്തുമ്പോള്‍ ആക്രിസാധനങ്ങളുടെ അടുത്തുള്ള ടിമ്പര്‍ സ്ഥാപനത്തിലേക്കും തീ പടരുകയായിരുന്നു. പനവിള, ചാക്ക ഫയര്‍ സ്‌റ്റേഷനുകളില്‍ നിന്നുള്ള ആറോളം ഫയര്‍ എന്‍ജിനുകള്‍ എത്തിയെങ്കിലും ഫര്‍ണി ച്ചര്‍ വസ്തുക്കളും പഴയ വസ്തുക്കളും കുന്നുകൂടിക്കിടക്കുന്നതിനാല്‍ തീ നിയന്ത്രിക്കാനായില്ല. പിന്നീട് നെയ്യാറ്റിന്‍കര, ആറ്റിങ്ങല്‍ എന്നിവിടങ്ങളില്‍ നിന്നുള്ള ഫയര്‍ഫോഴ്‌സുകള്‍ കൂടി എത്തിയാണ് തീ സമീപങ്ങളിലേക്ക് പടരുന്നത് തടയാനായത്. എട്ടോളം ഫയര്‍ഫോഴ്‌സ് എന്‍ജിനുകള്‍ ഒരുമണിക്കൂറോളം പ്രയത്‌നിച്ചാണ് തീ നിയന്ത്രിച്ചത്.
ചാലയിലെ എസ്‌കെപി ഫര്‍ണിച്ചര്‍, ടിമ്പേഴ്‌സ് എന്നിവയും മറ്റ് ഫര്‍ണിച്ചര്‍ സ്ഥാപനങ്ങളും പ്രവര്‍ത്തിക്കുന്ന ചാല മണക്കാട് ബൈപ്പാസ് റോഡിലാണ് തീപ്പിടിത്തമുണ്ടായത്. തമിഴ്‌നാട് സ്വദേശി എസ്പി എന്നറിയപ്പെടുന്നയാളുടേതാണ് ആക്രിക്കടയും ഗോഡൗണും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss