|    Jul 28 Fri, 2017 4:35 pm
FLASH NEWS

ചാല മഖാം ഉറൂസ് ഇന്നു തുടങ്ങും

Published : 3rd April 2016 | Posted By: SMR

കാസര്‍കോട്: ചാല മഖാമില്‍ അന്ത്യവിശ്രമം കൊള്ളുന്ന സയ്യിദ് അഹമദ് ഹാദി തങ്ങള്‍ മഖാം ഉറൂസും മതപ്രഭാഷണവും ഇന്ന് മുതല്‍ 10 വരെ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഇന്ന് രാവിലെ പത്തിന് സയ്യിദ് എസ് കുഞ്ഞിക്കോയ തങ്ങള്‍ പതാക ഉയര്‍ത്തും.
വൈകിട്ട് ഏഴിന് സയ്യിദ് എന്‍ പി എം ഫസല്‍ കോയമ്മ തങ്ങള്‍ ഉദ്ഘാടനം ചെയ്യും. എന്‍ അഹമദ് ദാരിമി അധ്യക്ഷത വഹിക്കും. അബ്ദുല്‍ അസീസ് ദാരിമി പൊന്മള പ്രഭാഷണം നടത്തും.
വിവിധ ദിവസങ്ങളില്‍ അബൂഹന്നത്ത് കുഞ്ഞിമുഹമ്മദ് മൗലവി, സയ്യിദ് ഹസ്ബുള്ള ബാഫഖി തങ്ങള്‍, റാഫിഅ് അസ്ഹനി കാന്തപുരം, ഹാഫിള് മാഹിന്‍ മന്നാനി തിരുവനന്തപുരം, പ്രഫ. കെ ആലിക്കുട്ടി മുസ്‌ല്യാര്‍, അബ്ദുല്‍ മജീദ് ബാഖവി കൊടുവള്ളി, സുബൈര്‍ ദാരിമി പൈക്ക പ്രഭാഷണം നടത്തും. ഒമ്പതിന് രാത്രി സയ്യിദ് സൈനുല്‍ ആബിദീന്‍ തങ്ങള്‍ കുന്നുംകൈ പ്രാര്‍ത്ഥനക്ക് നേതൃത്വം നല്‍കും.
അബൂബക്കര്‍ സിദ്ദീഖ് അസ്ഹരി പയ്യന്നൂര്‍, അബ്ദുല്‍സലാം അസ്ഹരി പ്രഭാഷണം നടത്തും. പത്തിന് ഉച്ചയ്ക്ക് രണ്ടിന് അന്നദാനത്തോടെ സമാപിക്കും. വാര്‍ത്താസമ്മേളനത്തില്‍ ഇ അബ്ദുര്‍റഹ്മാന്‍ കുഞ്ഞ് മാസ്റ്റര്‍, എസ് കെ തങ്ങള്‍, മമ്മുചാല, സി എം ഉമ്മര്‍, സി എ അബ്ദുല്ലകുഞ്ഞി, സി എ അനസ് സംബന്ധിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക