|    Aug 20 Mon, 2018 5:17 am
FLASH NEWS
Home   >  Todays Paper  >  Page 5  >  

ചാരായം വാറ്റല്‍: ഉപകരണങ്ങള്‍ ഓണ്‍ലൈന്‍ സൈറ്റുകളില്‍

Published : 23rd July 2018 | Posted By: kasim kzm

തിരുവനന്തപുരം: ചാരായം വാറ്റുന്നതിനുള്ള ഉപകരണങ്ങള്‍ ഓണ്‍ലൈന്‍ വ്യാപാര സൈറ്റുകള്‍ മുഖേന ലഭിക്കുന്നതായുള്ള വിവരം സൈറ്റില്‍ നിന്ന് ഉപകരണങ്ങള്‍ ഓര്‍ഡര്‍ ചെയ്ത് എക്‌സൈസ് കമ്മീഷണര്‍ ഡിജിപി ഋഷിരാജ് സിങ് സ്ഥിരീകരിച്ചു.
ഓണ്‍ലൈന്‍ സൈറ്റുകള്‍ വന്‍തോതില്‍ ലഹരിക്കച്ചവടത്തിന് സഹായിക്കുന്ന തരത്തില്‍ പ്രവര്‍ത്തിക്കുന്നുവെന്ന് നേരത്തേ വിവരം ലഭിച്ചിരുന്നു. തുടര്‍ന്നാണ് ഇതിന്റെ നിജസ്ഥിതി മനസ്സിലാക്കാന്‍ ഋഷിരാജ് സിങ്് നേരിട്ട് രംഗത്തിറങ്ങിയത്. ഓണ്‍ലൈന്‍ വഴി വില്‍ക്കുന്ന ഉപകരണങ്ങള്‍ ഉപയോഗിക്കേണ്ട രീതിയും വളരെ കൃത്യമായിത്തന്നെ സൈറ്റുകളില്‍ പരസ്യരൂപത്തില്‍ നല്‍കിയിരുന്നു. വില്‍പന പൊടിപൊടിച്ചതോടെയാണ് ഋഷിരാജ് സിങ് നേരിട്ട് സൈറ്റില്‍ കയറി ഉപകരണങ്ങള്‍ ഓര്‍ഡര്‍ ചെയ്തത്. എക്‌സൈസ് നിരീക്ഷിക്കുന്നുണ്ടെന്നു മനസ്സിലാക്കിയതോടെ സൈറ്റുകള്‍ പരസ്യങ്ങള്‍ നീക്കിയിട്ടുണ്ട്. കേരളത്തില്‍ ഇത്തരം ഉപകരണങ്ങള്‍ ഓര്‍ഡര്‍ ചെയ്തവരുടെ പേരുവിവരങ്ങള്‍ എക്‌സൈസ് ശേഖരിച്ചിട്ടുണ്ട്. വാറ്റുപകരണങ്ങളും ലഹരിമരുന്നുകളും വാങ്ങുന്നയാളുകളെ കണ്ടെത്തി കേസെടുക്കുക മാത്രമാണ് എക്‌സൈസിന് ചെയ്യാനാവുക.
വ്യാപാര സൈറ്റുകള്‍ വഴിയുള്ള ഇത്തരം സാധനങ്ങളുടെ വില്‍പന തടയാന്‍ കേന്ദ്രസര്‍ക്കാരിനു മാത്രമാണ് കഴിയുക. അതിനാല്‍ കേന്ദ്രത്തെ സമീപിക്കാന്‍ തീരുമാനിച്ചിട്ടുണ്ട്.
ഓണ്‍ലൈന്‍ വഴി വ്യാജ ലഹരി ഗുളികകള്‍ വില്‍ക്കുന്നതായും റിപോര്‍ട്ടുണ്ടായിരുന്നു. എന്നാല്‍, ഈ ലഹരിഗുളികകള്‍ ലാബില്‍ അയച്ച് പരിശോധിച്ചെന്നും ഗുളികകളില്‍ ലഹരിയുടെ അംശമില്ലെന്നു കണ്ടെത്തിയതായും കമ്മീഷണര്‍ പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss