|    Nov 17 Sat, 2018 2:47 pm
FLASH NEWS
Home   >  Todays Paper  >  page 7  >  

ചാരക്കേസില്‍ വീണ്ടും അന്വേഷണത്തിന് ഉത്തരവിറക്കും: കോടതി

Published : 9th May 2018 | Posted By: kasim kzm

ന്യൂഡല്‍ഹി: ഐഎസ്ആര്‍ഒ ചാരക്കേസില്‍ നമ്പി നാരായണനെ കുടുക്കിയ സംഭവത്തില്‍ അന്വേഷണ ഉദ്യോഗസ്ഥരായ സിബി മാത്യൂസ്, കെ കെ ജോഷ്വാ, എസ് വിജയന്‍ എന്നിവര്‍ക്കെതിരേ വീണ്ടും അന്വേഷണത്തിന് സിബിഐക്കോ സംസ്ഥാന പോലിസിനോ നിര്‍ദേശം നല്‍കുമെന്ന് സുപ്രിംകോടതി.
ഇന്നലെ കേസ് പരിഗണിക്കവേ, ക്രിമിനല്‍ കേസില്‍ നമ്പി നാരായണന്‍ ഉള്‍പ്പെട്ടത് എങ്ങനെയെന്ന് ചീഫ് ജസ്റ്റിസ് ആരാഞ്ഞു. ഇതടക്കമുള്ള കാര്യങ്ങള്‍ക്ക് വിശദീകരണം നല്‍കാന്‍ നമ്പി നാരായണന്‍  ശ്രമിച്ചെങ്കിലും അഭിഭാഷകരുടെ അസൗകര്യം കാരണം കേസ് ബുധനാഴ്ചത്തേക്ക് മാറ്റാന്‍ എതിര്‍ഭാഗം ആവശ്യപ്പെട്ടു. കേസില്‍ ഇന്നും വാദം തുടരും.
ഐഎസ്ആര്‍ഒ ചാരക്കേസില്‍ ഇത് രണ്ടാം തവണയാണ് സുപ്രിംകോടതി നേരിട്ട് നമ്പി നാരായണന്റെ വാദം കേട്ടത്. കോടതി ഗ്യാലറിയില്‍ നില്‍ക്കുകയായിരുന്ന അദ്ദേഹത്തെ ഇന്നലെ ചീഫ് ജസ്റ്റിസ് ദീപക് മിശ്ര നേരിട്ട് വിളിപ്പിച്ചു കേസിന്റെ വിശദാംശങ്ങള്‍ തേടുകയായിരുന്നു.
യുഎസില്‍ നാസ ഫെലോ ആയി പ്രവര്‍ത്തിക്കവേ തനിക്ക് യുഎസ് പൗരത്വം വാഗ്ദാനം ചെയ്തിരുന്നു. എന്നാല്‍ അത് വേണ്ടെന്നുവച്ചാണ് ഇന്ത്യയില്‍ വന്നു പ്രവര്‍ത്തിച്ചത്. യുഎസ് പൗരത്വം വേണ്ടെന്നുവച്ചതിനാണ് തന്നെ പിന്നീട് ചാരക്കേസില്‍ കുടുക്കിയതെന്ന് അദ്ദേഹം കോടതിയെ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss