|    Jul 25 Tue, 2017 6:36 pm
FLASH NEWS

ചാമ്പക്കടവില്‍ വടിവാളുമായി എത്തിയ മൂവര്‍സംഘം ഭീകരാന്തരീക്ഷം സൃഷ്ടിച്ചു

Published : 16th November 2015 | Posted By: SMR

പന്മന: വടക്കുംതല ചാമ്പക്കടവ് ജങ്ഷന് സമീപം ബൈക്കില്‍ വടിവാളുമായി എത്തിയ മൂവര്‍സംഘം ഭീകരാന്തരീക്ഷം സൃഷ്ടിച്ചു.
ഇന്നലെ ഉച്ചയ്ക്ക് 2.30 ഓടെ ആയിരുന്നു സംഭവം. ഒരേ ദിശയില്‍ വരികയായിരുന്ന ബൈക്ക് യാത്രികര്‍ ഒരു ഓട്ടോറിക്ഷ തടഞ്ഞ് നിര്‍ത്തി അതില്‍ യാത്രചെയ്തിരുന്ന ആറുപേര്‍ക്ക് നേരെ അസഭ്യം പറയുകയും ഓട്ടോയുടെ രണ്ട് വശത്ത് നിന്ന് രണ്ട്‌പേര്‍ ഭീഷണി മുഴക്കുകയും ഓട്ടോയിലുണ്ടായിരുന്ന രണ്ട് പേരെ വെട്ടിപരിക്കേല്‍പ്പിക്കുകയും ചെയ്തു.
ബഹളംകേട്ട് ഓടിക്കൂടിയ സ്ത്രീകളായ നാട്ടുകാര്‍ക്കെതിരെയും ബൈക്കിലെത്തിയ അക്രമിസംഘം അസഭ്യം പറയുകയും ഭീഷണിപ്പെടുത്തുകയും ചെയ്തുവെന്ന് പരാതിയുണ്ട്. തുടര്‍ന്ന് സ്ത്രീകളുടെ ബഹളം കേട്ട് നാട്ടുകാര്‍ ഓടിക്കൂടുന്നത് കണ്ടതോടെ അക്രമിസംഘം ബൈക്കില്‍ കയറി രക്ഷപ്പെട്ടു. സംഭവം അറിഞ്ഞ് ചവറ പോലിസ് സ്ഥലത്തെത്തി അന്വേഷണം ആരംഭിച്ചു.
അക്രമികള്‍ വന്ന ബൈക്കിനെപ്പറ്റി സൂചന കിട്ടിയതായിട്ടാണ് വിവരം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക