|    Apr 25 Wed, 2018 12:28 pm
FLASH NEWS

ചാത്തമറ്റം ഗവ.ഹയര്‍സെക്കന്ററി സ്‌കൂള്‍ അന്താരാഷ്ട്ര നിലവാരത്തിലേക്ക്

Published : 5th April 2018 | Posted By: kasim kzm

മൂവാറ്റുപുഴ: ചാത്തമറ്റം ഗവ. ഗവ ഹയര്‍ സെക്കന്ററി സ്‌കൂളിലെ എല്‍കെജി മുതല്‍ പ്ലസ്ടു വരെയുള്ള മുഴുവന്‍ ക്ലാസുകളും അടുത്ത അധ്യായനവര്‍ഷം ആരംഭം മുതല്‍ ഹൈടെക് നിലവാരത്തിലേക്ക് ഉയര്‍ത്തുകയാണെന്ന് പഞ്ചായത്ത് പ്രസിഡന്റ് എ വി സുരേഷ് പറഞ്ഞു.
എല്‍ദോ എബ്രഹാം എംഎല്‍എ അനുവദിച്ച കംപ്യൂട്ടറുകളും ലാപ്‌ടോപ്പുകളും പ്രജക്ടറുകളും ഉപയോഗപ്പെടുത്തിയാണ് എല്ലാ ക്ലാസുകളും ഹൈടെക് ആക്കുന്നത്. സംസ്ഥാന സര്‍ക്കാര്‍ ഹൈടെക് സ്‌കൂളുകളുടെ നവീകരണത്തിന് അനുവദിച്ച മൂന്ന് കോടി രൂപ ഉപയോഗപ്പെടുത്തി സ്‌കൂളിന്റെ ഭൗതീക സൗകര്യങ്ങള്‍ മെച്ചപ്പെടുത്തുന്നതിനും നിര്‍മാണ പ്രവര്‍ത്തനങ്ങളും ഉടന്‍ ആരംഭിക്കുമെന്നും ഇതിന്റെ പ്രവര്‍ത്തനങ്ങള്‍ ഏകോപിപ്പിക്കുന്നതിന് വിപുലമായ കമ്മിറ്റി രൂപീകരിച്ച് പ്രവര്‍ത്തനം ആരംഭിച്ചതായും എ വി സുരേഷ് പറഞ്ഞു.
ഒന്നുമുതല്‍ 12 വരെയുള്ള ക്ലാസുകളിലായി 400ഓളം കുട്ടികള്‍ പഠിച്ച് വരുന്നു. അടുത്ത അധ്യായന വര്‍ഷം മുതല്‍ സ്‌കൂള്‍ ഹൈടെക് നിലവാരത്തിലേയ്ക്ക് ഉയര്‍ത്തുന്നതിന്റെ പ്രഖ്യാപനം എല്‍ദോ എബ്രഹാം എംഎല്‍എ നിര്‍വഹിച്ചു. പഞ്ചായത്ത് പ്രസിഡന്റ് എ വി സുരേഷ് അധ്യക്ഷത വഹിച്ചു.
സ്‌കൂള്‍ പുറത്തിറക്കിയ സുവനീരിന്റെ പ്രകാശനം എല്‍ദോ എബ്രഹാം എംഎല്‍എ ബ്ലോക്ക് പഞ്ചായത്ത് വൈസ് പ്രസിഡന്റ് വിന്‍സണ്‍ ഇല്ലിക്കലിന് നല്‍കി നിര്‍വഹിച്ചു. മികവ് സിഡി പ്രകാശനം ബ്ലോക്ക് പഞ്ചായത്ത് മെംബര്‍ സെബാസ്റ്റ്യന്‍പറമ്പില്‍ നിര്‍വഹിച്ചു.
സ്‌കൂള്‍ പ്രിന്‍സിപ്പാള്‍ എന്‍ ശിവപ്രസാദ് , ഹെഡ്മാസ്റ്റര്‍ ഇ വിശ്വനാഥന്‍, പഞ്ചായത്ത് വൈസ് പ്രസിഡന്റ് ജാന്‍സി ഷാജി, വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ നിസാര്‍ മുഹമ്മദ്, വാര്‍ഡ് മെംബര്‍ സന്തോഷ്‌കുമാര്‍, ജാന്‍സി ബിജു, ലൂഷദ് ഇബ്രാഹിം, മേജോ ജോര്‍ജ്, വി പി പോള്‍, പി എം കോയാകുട്ടി, അഡ്വ.എ കെ ശ്രീകാന്ത്, വി ജെ മാത്യു, ശ്രീജ രാജേഷ്, ഷിജി ബിനു, ഡോ. റോയി, ഡോ.മനേഷ്, എന്‍ ടി കുഞ്ഞന്‍ സംസാരിച്ചു.
വാര്‍ത്താസമ്മേളനത്തില്‍ പഞ്ചായത്ത് പ്രസിഡന്റിനെ കൂടാതെ ഹെഡ്മാസ്റ്റര്‍ ഇ വിശ്വനാഥന്‍, പിടിഎ പ്രസിഡന്റ് വി ജെ മാത്യു, അധ്യാപകരായ ഫ്രാന്‍സിസ് പുന്നോലില്‍, സെന്‍സന്‍ റോയി പങ്കെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss