|    Aug 20 Mon, 2018 1:04 am
FLASH NEWS
Home   >  Todays Paper  >  page 9  >  

ചാംപ്യന്‍സ് ട്രോഫി : കശ്മീര്‍ ചര്‍ച്ചയാക്കാന്‍ പാക് നീക്കം

Published : 5th June 2017 | Posted By: fsq

 

ഇസ്്‌ലാമാബാദ്: ചാംപ്യന്‍സ് ട്രോഫിയില്‍ ഇന്ത്യാ-പാക് മല്‍സരങ്ങള്‍ക്കിടെ കശ്മീര്‍ പ്രശ്‌നം ചര്‍ച്ചയാക്കാന്‍ പാകിസ്താന്‍ ഒരുങ്ങുന്നതായി റിപോര്‍ട്ട്. പാക് ചാരസംഘടനയായ ഐഎസ്‌ഐ അയക്കുന്ന 14 അംഗ സംഘം കശ്മീര്‍ അനുകൂല പ്ലക്കാര്‍ഡുകളുമേന്തി ഇംഗ്ലണ്ടിലെ സ്‌റ്റേഡിയത്തില്‍ എത്തുമെന്നാണ് മാധ്യമ റിപോര്‍ട്ട്. കശ്മീര്‍ ശ്രദ്ധ തേടുന്നു. കശ്മീര്‍ ചോരവാര്‍ക്കുന്നു. തങ്ങള്‍ കശ്മീരിനൊപ്പം, ജമ്മു കശ്മീരിന് സ്വാതന്ത്ര്യം നല്‍കുക തുടങ്ങിയ സന്ദേശങ്ങളായിരിക്കും സ്റ്റേഡിയത്തില്‍ ഉയര്‍ത്തുക. കശ്മീര്‍ പ്രശ്‌നത്തെക്കുറിച്ച് രാജ്യാന്തര തലത്തില്‍ ശ്രദ്ധ ക്ഷണിക്കുന്നതിനാണ് പാക് ശ്രമം. ഐഎസ്‌ഐ പദ്ധതിയെക്കുറിച്ച് ഇന്ത്യന്‍ രഹസ്യാന്വേഷണ ഏജന്‍സികള്‍ക്ക് വിവരം ലഭിച്ചിട്ടുണ്ട്. എ3 സൈസില്‍ തയ്യാറാക്കിയ കശ്മീര്‍ അനുകൂല പ്ലക്കാര്‍ഡുകളാവും പ്രദര്‍ശിപ്പിക്കുക. യുഎന്‍ ഉള്‍പ്പെടെയുള്ള അന്താരാഷ്ട്ര വേദികളിലും പാകിസ്താന്‍ ഈ വിഷയം ഉയര്‍ത്തി കൊണ്ടുവരാന്‍ ശ്രമം നടത്തിവരുകയാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss