|    Jan 22 Sun, 2017 3:59 pm
FLASH NEWS

ചരിത്രത്തെ സംരക്ഷിക്കാനാവാത്തവര്‍ എങ്ങനെ ഭാവിയെ സംരക്ഷിക്കും: മേധാ പട്കര്‍

Published : 4th November 2015 | Posted By: SMR

മാള: ചരിത്രത്തെ സംരക്ഷിക്കാനാവത്തവര്‍ എങ്ങനെ ഭാവിയെ സംരക്ഷിക്കുമെന്ന് പ്രമുഖ സാമൂഹിക പ്രവര്‍ത്തന മേധാ പട്കര്‍ ചോദിച്ചു. വികസനത്തിന്റെ പേരില്‍ നശിപ്പിക്കപ്പെടുന്ന മാളയിലെ യഹൂദസ്മാരകങ്ങള്‍ സന്ദര്‍ശിച്ചു സംസാരിക്കുകയായിരുന്നു അവര്‍. മാളയിലെ യഹൂദര്‍ക്ക് നല്‍കിയ വാക്ക് പാലിക്കാന്‍ പഞ്ചായത്തധികാരികള്‍ക്ക് ബാധ്യതയുണ്ട്. പട്ടണമധ്യത്തിലുള്ള നാലേക്കര്‍ ഭൂമിയുടെ വ്യാപാരപ്രാധാന്യമാണ് ഈ കയ്യേറ്റങ്ങള്‍ക്ക് കാരണം. ഇന്ത്യയിലെല്ലായിടത്തും വികസനവാദികളുടെ കാഴ്ചപ്പാടില്‍ ഭൂമി വെറും മണ്ണല്ല, സ്വര്‍ണ്ണമാണ്. അതുകൊണ്ടുതന്നെ ഈ സ്മാരകങ്ങള്‍ ഇപ്പോള്‍ സംരക്ഷിക്കാനായില്ലെങ്കില്‍ പിന്നീടൊരിക്കലും അതിനായില്ലെന്നുവരും. ഈ ശ്മശാനവും സിനഗോഗും അതേപടി സംരക്ഷിക്കപ്പെടണം. പാര്‍ക്കും സ്റ്റേഡിയമൊന്നും സംരക്ഷണമാകില്ല. അതിനാല്‍ ഈ ശ്മശാനത്തിലുള്ള എല്ലാ നിര്‍മ്മാണ പ്രവര്‍ത്തനങ്ങളും ഉടനടി നിര്‍ത്തിവയ്ക്കണമെന്ന് അവര്‍ ആവശ്യപ്പെട്ടു. പ്രഫ. സി കര്‍മ്മചന്ദ്രന്‍, പി കെ കിട്ടന്‍, യു എസ് ശശി, പ്രഫ കുസുമം ജോസഫ് നേതൃത്വം നല്‍കി.

Share on FacebookShare on Google+Tweet about this on TwitterShare on LinkedIn
(Visited 89 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക